.0009 percent o 33 piraso sa isang milyong banknotes na nililikha ng Bangko Sentral ng Pilipinas kada isang araw ang misprinted o may pagkakamali sa pagkaka-imprenta dahil sa technical o machine printing error ayon sa BSP.
Kaugnay ito sa nagtrending na post sa social media ng isang netizen na ang na-withdraw ay faceless 100 peso bills sa ATM ng isang bangko. Ilan umano sa 33 misprinted banknotes na ito ang turned over na sa BSP ng branch ng bangko kung saan nag-withdraw ang naturang netizen.
Ang printing machine na ini-acquire ng BSP noong nakalipas na buwan ang ginamit din upang tukuyin kung anong batch ng banknotes ang apektado ng naturang glitch.
Umapela naman ang BSP sa publiko na kung sakaling may natanggap na misprinted banknotes ay direktang makipag-ugnayan at ibalik sa BSP sa halip na i-post sa social media upang maiwasan na umanong makalikha ng alarma sa publiko.
Ayon sa BSP, minsan lang magkaroon ng insidente ng misprinting ng banknotes, isang beses ay sa ilalim ng administrasyon ni dating Pangulong Gloria Arroyo kung saan “Arrovo” ang na-imprentang apelyido ng dating punong ehekutibo at pinakahuli ang iilang faceless 100 peso bills na nai-load sa ATM.
( Rosalie Coz / UNTV Correspondent )
Tags: BSP, faceless P100 bills, misprinted
METRO MANILA – Bahagyang bumilis sa 3.9% ang naitalang inflation rate sa bansa para sa buwan ng Mayo ngayong taon.
Ayon sa Philippine Statistics Authority (PSA), bahagyang mas mataas ito kumpara sa 3.8% na naitala noong Abril.
Gayunman ito na ang pinakamabilis na inflation rate na naitala ng PSA ngayong 2024.
Pero mas mababa pa rin ito kung ikukumpara sa 6.1% na record noong may 2023.
Paliwanag ng PSA, ilan sa mga factors na naka-ambag sa pagbilis ng inflation ay ang mabilis na pagtaas ng presyo ng housing, tubig at kuryente.
Gayundin ang presyo ng mga produktong petrolyo at transportasyon.
Sa isang pahayag sinabi naman ng Bangko Sentral ng Pilipinas na ang naitalang inflation rate ay pasok pa rin sa kanilang forecast ranger na 3.7% hanggang 4.5%.
METRO MANILA – Posibleng umabot sa 2.8% hanggang 3.6% ang maitatalang inflation rate sa bansa para sa buwan ng Pebrero ngayong 2024.
Base ito sa forecast ng Bangko ng Sentral ng Pilipinas (BSP).
Ilan sa mga bagay na posibleng makapagtaas sa galaw ng inflation ay ang patuloy na pagtaas ng presyo ng mga pagkain gaya ng bigas, karne, at isda. Gayundin ang presyo ng langis at kuryente.
Habang maaari rin itong hilain pababa dahil naman sa mababang presyo ng gulay, prutas at asukal.
Noong Enero umabot sa 2.8% ang naitalang inflation rate sa bansa o ang pagtaas ng presyo ng bilihin at iba pang pangunahing serbisyo na binabayaran ng mga konsyumer.
METRO MANILA – Posibleng umabot sa 5.1 hanggang 5.9% ang inflation rate o antas ng pagtaas ng presyo ng mga pangunahing bilihin at serbisyo sa bansa para sa October 2023 ayon sa pagtaya ng Bangko Sentral ng Pilipinas (BSP).
Ayon sa BSP, naging pangunahing dahilan dito ang mas mataas na presyo ng kuryente, LPG, mga prutas, gulay at ang pagtaas sa pamasahe sa jeep.
Maaari namang maka-contribute sa downward price pressures ang mas mababang presyo ng bigas, karne, at gulay. Gayundin ang pagbaba sa presyo ng produktong petrolyo.
Umabot sa 6.15% ang inflation noong September bunsod ng mataas na presyo ng pagkain partikular na ng bigas ayon sa Philippine Statistics Authority (PSA).
Mas mataas ito sa 5.3% inflation na naitala noong August 2023.
