Nakipagpulong kahapon si Department of Foreign Affairs Secretary Perfecto Yasay Jr. sa Russian counterpart nito na si Sergey Lavrov (ser-gey laf-rof) sa Moscow.

Kabilang sa tinalakay ng dalawang foreign ministers ang pagpapalakas ng bilateral relations ng Pilipinas at Russia sa pamamagitan ng pagpapalawak sa ugnayan ng dalawang bansa pagdating sa political, security, economic at cultural aspects.

Napag-usapan din ang ilang regional at global issues at ang Philippine chairmanship sa Association of Southeast Asian Nations o ASEAN sa susunod na taon.

Kasama rin ni Sec. Yasay na nagtungo sa Russia si Defense Secretary Delfin Lorenzana na nakipagpulong naman sa mga Russian Defense Official.

Tags: Foreign Affairs Sec. Yasay, nakipagpulong sa Russian counterpart nito