Umaapaw ang sigla ng mga manunuod nang lumabas ang mga Pilipinong kalahok sa pinakamalaki at pinaka-prestihiyosong World Supremacy Battlegrounds Dance Competition na ginanap sa Sydney, Australia.
Mahigit sampung grupo ng mga Pilipinong mananayaw ang nagpasiklab ng kani-kanilang dance moves na hinangaan ng mga manonood at mga hurado. Matapos ang kompetisyon, hinakot ng Pinoy dance groups ang pinakamataas na parangal sa iba’t-ibang kategorya.
Mahigit isandaang dance groups na kinabibilangan ng best dancers mula sa mga bansang New Zealand, South Africa, Solomon Islands, Guam, USA, Canada, PNG, Sierra Leone, Hongkong, Indonesia, Japan, Australia at Pilipinas ang naglaban laban sa nasabing dance competition.
( Erly Briones / UNTV Correspondent )
