Nasangkot sa kaguluhan sa isang bar sa Tomas Morato, Quezon City ang Gilas Basketball Player na si Terrence Romeo kaninang alas quatro ng madaling araw.

Ayon kay Darwin Pelina, magpapakuha lang sana umano siya ng picture kay Romeo nang makita nila ito sa bar dahil idolo niya ito. Bigla na lamang umanong nilusob at sinuntok ng kasamahan ni Romeo si Pelina. Sinuntok naman aniya ni Romeo ang isa pang kasamahan ni Pelina.

Paliwanag naman ni Romeo, panoorin muna ang CCTV sa lugar upang malaman ang buong pangyayari. Itinanggi rin ng grupo ni Romeo na kasamahan nila ang nanapak kay Pelina na nakunan ng CCTV.

Kapwa inimbitahan sa Quezon City Police District Station 10 ang mga sangkot sa kaguluhan para sa imbestigasyon. Sa huli, nagkasundo na lamang ang magkabilang panig na magpatawaran.

( Reynante Ponte / UNTV Correspondent )

Tags: gulo, Quezon City, Terrence Romeo