Tinanggap na ni ABS-CBN Foundation Chair Gina Lopez ang alok ni incoming President Rodrigo Duterte na maging kalihim ng Department of the Environment and Natural Resources o DENR.
Inilarawan ni Lopez ang kanyang sarili bilang ‘not the usual choice’ bilang DENR Secretary dahil sa kanyang adbokasiya kaugnay ng pagmimina.
Ngunit bukas aniya siya sa pakikipag-usap sa mga nasa mining industry upang mapag-usapan ang suhestyon ng mga ito upang maresolba ang mga isyu sa industriya.
Binalaan din ni Lopez ang mga corrupt aniyang opisyal ng DENR at sinabing magkakaroon ng paglilinis sa hanay ng mga opisyal ng DENR.
(UNTV RADIO)
Tags: DENR Secretary, Gina Lopez
Nagbabalang muli si Pangulong Rodrigo Duterte sa mga may-ari ng minahan na sumisira sa kalikasan at kabuhayan ng mga mahihirap.
Aniya, dapat bayaran ng mga mayayaman ang nawawala sa mga mahihirap dahil sa iresponsableng pagmimina.
Muli rin nitong nabanggit ang dati niyang Environment Secretary na si Gina Lopez na nagpakita aniya kung gaano katindi ang pag abuso ng ibang mining companies.
Ginawa ng pangulo ang pahayag nang dumalo ito sa ika-26 na anibersaryo ng Bureau of Jail Management ang Penology sa Camp Aguinaldo kahapon.
(Rosalie Coz / UNTV Correspondent)
Tags: duterte, Gina Lopez, kalikasan
Katulad ni Perfecto Yasay ng Department of Foreign Affairs, hindi rin pinalusot ng Commission on Appointments si Gina Lopez bilang kalihim ng Department of Environment and Natural Resources o DENR.
Tumanggi namang magbigay ng detalye si Senator Pacquiao sa ginawang pagboto ng mga mambabatas, alinsunod aniya sa rules ng executive session.
Pero si Congressman Ronnie Zamora, inamin na isa siya sa mga bumuto kontra kay Lopez.
Malaki naman ang panghihinayang ni Lopez dahil hindi na niya maipagpapatuloy ang kanyang plano sa DENR.
Sa kabila nito, hinamon niya ang mga bumoto na kontra sa kanya na magpaliwanag sa publiko.
Dismayado naman ang ilang taga-suporta ni Lopez at sinabing nagpapatunay ang desisyon ng CA na nanaig ang interes ng mga mining company.
Nagpasalamat naman ang Chamber of Mines sa Commission on Appointments sa mabilis na resolusyon ng nomination ni Lopez. Hindi pa aniya ito katapusan, kundi ang simula palang ng isang bagong yugto sa industriya ng pagmimina.
Ayon naman kay Presidential Spokesperson Usec. Ernesto Abella, kasalukuyan pang naghahanap si Pangulong Duterte ng kapalit sa pwesto ni Lopez.
(Joyce Balancio)
Inalok ni President Elect Rodrigo Duterte si ABS-CBN Foundation Chairman Gina Lopez upang maging kalihim ng Department of Environment and Natural Resources.
Si Lopez ay kilalang anti-mining advocate at nangunguna sa mga proyektong tulad ng Pasig river clean up drive at eco-tourism efforts sa iba’t ibang bahagi ng bansa.
Wala pang sagot si Lopez sa alok na posisyon ng incoming president.
“I am honored given this proposal and i will seriously consider it.” Pahayag ni Lopez
Ang pagsugpo sa ilegal mining ang umano’y naging kunsiderasyon ni Duterte sa pagpili kay Lopez.
(UNTV RADIO)
Tags: Gina Lopez
