Global ranking ng Pinas pagdating sa internet speed, umakyat – OOKLA

by Radyo La Verdad | September 21, 2022 (Wednesday) | 1619

METRO MANILA – Umakyat ang global ranking ng Pilipinas pagdating sa bilis ng internet nitong nakaraaang buwan.

Batay sa datos na inilabas ng internet speed monitoring firm na Speedtest ng Ookla, umakyat sa ika-45 ang ranking ng bansa.

Mula ito sa ika-46 noong July, sa 182 na mga bansa na mino-monitor ng Ookla.

Kabilang sa mga itinuturong dahilan ng pamahalaan sa pagbilis ng internet speed sa Pilipinas, ay dahil sa pag-streamline at mas pinabilis na pagbibigay ng mga lokal na pamahalaan ng permit sa mga telecommunication companies.

Sa ganitong paraan mabilis na nakakapagpatayo ng cellular towers at fiber optic networks ang mga telco, na kinakailangan para mas mapalakas ang internet connectivity.

Inaasahan din na mas gaganda pa ang internet speed sa Pilipinas, sa pagpasok ng Starlink internet service ng bilyonaryong si Elon Musk.

Nakatakdang i-launch ng Starlink ang kanilang low earth orbit satellite internet service sa bansa sa katapusan ng taon, at inaasahang magsisimula ang deployment sa unang quarter ng 2023.

Tags:

Mas mabilis na internet connection, posibleng maibigay ng ikatlong telco player sa kabila ng kakaunting frequency na natitira para dito

by Radyo La Verdad | December 21, 2017 (Thursday) | 6812

Mas mabilis na internet ang maibibigay ng papasok na Telco Company ayon sa Department of Information and Communication Technology, ito ay dahil sa gagamit ng fixed line internet connection ang bagong telco.

Ito ang klase ng internet na hindi naka depende sa mga cell sites kundi sa mga kable at linya. Isang halimbawa ng fixed line na internet ay ang wifi sa mga MRT station. Mas mabilis umano ito kumpara sa internet na makukuha sa mga cellsites.

Sinubukan ng UNTV News Team na kumonekta sa isang fixed line na internet. Ayon sa speed test na ginawa ng news team, umabot sa 36 mega bits per second ang bilis ng internet sa isang fixed line, mabilis ito kumpara sa internet na makukuha gamit ang mga cellsite.

Tututok ang bagong telco player sa mga internet user na nasa bahay at mga opisina gamit ang fixed line connection.

Sa Pamamagitan nito, ma de-decongest ang internet traffic, bibilis ang internet na galing sa cellsites at bibilis rin ang internet sa gumagamit ng fixed line.

Sa ngayon, halos lahat ng gumagamit ng internet ay naka-depende sa mga cellsites.

Bukod dito, isinusulong ngayon sa Senado ang telecommuting bill ni Senador Joel Villanueva na kung saan lahat ng trabaho at leksyon na pwede sa internet ay sa bahay na lamang gagawin. Makakatulong ito upang mapaluwag ang daloy ng trapiko sa Metro Manila.

Subalit magkakaroon lamang ito ng katuparan kung bibilis ang internet sa bansa.

 

( Mon Jocson / UNTV Correspondent )

Tags: , ,

Dahilan ng mabagal na internet connection sa bansa, sinimulan imbestigahan ng NTC

by Radyo La Verdad | May 6, 2016 (Friday) | 13529

INTERNET
Nagkaharap na kahapon sa National Telecommunications Commission ang mga respondent at petitioner kaugnay sa dinidinig na isyu sa magabal na internet connection sa bansa.

Subalit sa pagdinig, hindi parin nakapagsumite ng sagot ang mga respondent.

Kaya naman binigyan sila ng NTC ng hanggang May 12 upang sagutin ang petisyon ni dating Congressman Rolex Suplico, saka naman ito gagawan ng aksyon ng NTC.

Sa petisyong inihain ni suplico kinukuwestiyon nito ang umano’y 700 megahertz provisional authority na ibinigay ng NTC sa tatlong telcos na wi-tribe, new century at high frequency na hindi naman umano ginagamit ng mga ito.

Aniya kung ang frequency na ito ay ibibigay na lamang sa mga exsisting telcos, mas bibilis ang internet connection sa bansa.

Sa ngayon ayaw munang magsalitang NTC kaugnay sa kanilang isinasagawang pagdinig.

Subalit tiniyak ng NTC na ginagawa nila ang lahat ng paraan upang mapabilis ang internet sa bansa.

Ayon naman kay NTC Regulation Branch Director Edgardo Cabarios, makatutulong sa pagpapalakas ng connection sa bansa kung magatayo ng maraming mga cell site.

Subalit base aniya sa report na kanilang natatanggap, nahihirapan ang mga telcos na magtayo ng karagdagang cell sites dahil sa dami ng mga requirement na hinihingi ng mga local goverment units.

Samantala kasalukuyan nang nakahain sa dalawang kapulungan ng kongreso ang panukalang batas para mapabilis ang koneksyon ng internet sa bansa.

Sa buong mundo, isa ang Pilipinas sa may pinakamahal at pinakamabagal na internet connection sa mundo.

(Grace Casin/UNTV NEWS)

Tags: , , ,

More News