May panibagong taas-presyo sa mga produktong petrolyo ang ipatutupad ngayong linggo.
Inaasahang kinse hanggang beinte sentimos ang maaring madagdag sa presyo ng isang litro ng diesel at singkwenta hanggang sisenta sentimos sa kerosene.
Maari namang bumaba ng singko sentimos ang halaga kada litro ng gasolina.
Noong nakaraang linggo nagkaroon ng bahagyang pagbaba sa presyo ng mga produktong petrolyo makalipas ang sunod-sunod na oil price increase sa loob ng halos dalawang buwan.
Tags: LANGIS, linggo, taas-presyo
MANILA, Philippines – Aabot ng mahigit P2 kada litro na dagdag singil sa presyo ng langis ang posibleng ipatupad ng mga oil companies ngayong Linggo.
Kapag natuloy, ito na ang ika-2 Linggo na nagkaroon ng dagdag singil sa presyo ng produktong petrolyo ang mga kumpanya.
Ayon sa mga industry player mahigit P2 kada litro ang madadagdag sa presyo ng gasolina at mahigit P1 naman sa presyo ng Diesel at Kerosene.
Ayon sa Department of Energy (DOE), ang Bigtime Oil Price Hike ay bunsod ng nangyaring pagpapasabog sa dalawang malaking oil facility sa Saudi Arabia .
Ito ang siyang humila pataas sa presyo ng langis dahil sa pangamba na magkaroon ng supply shortage .
sa isang pahayag, sinabi ni DOE Secretary Alfonso Cusi na walang masyadong dapat ipagalala ang mga consumer dahil maibabalik agad sa normal ng Saudi Arabia ang supply ng langis.
Tiniyak ng DOE na may sapat pang suplay ng langis ang mga oil company sa bansa na kakasya pa sa loob ng 30 araw.
Nakahanda naman ang DOE na irekomendang suspindihin ang excise tax sa langis sakaling magtuloy tuloy ang pagtaas sa presyo nito dahil sa nangyaring insidente.
Samantala, nakaambang tumaas ng hanggang P1 ang presyo ng ilang brand ng ilang bilihin, ayon Sa Department Of Trade And Industry o DTI.
Maglalabas ang DTI bago mag-Setyembre 25 ng listahan ng bagong Suggested Retail Price (SRP), kung saan may pagtaas sa presyo ng ilang brand ng sardinas, gatas, kape at instant noodles.
(Mon Jocson | UNTV News)
Tags: DTI, taas-presyo
MANILA, Philippines – Epektibo na simula bukas (July 2) araw ng Martes ang bigtime oil price hike.
Ito ang ikatlong beses na tataas ang presyo ng produktong petrolyo matapos ang serye ng mga rollback ilang linggo na ang nakakaraan.
Ayon sa mga industry player, P0.95 kada litro ang itataas ng presyo ng Diesel, P1.20 kada litro ang itataas ng gasolina habang P1.00 kada litro naman sa Kerosene.
Samantala, magkakaroon naman ng mahigit P3.00 kada kilo na rollback sa presyo ng Liquified Petroleum Gas (LPG) simula ngayong araw (July 1).
P3.40 per kilo ang rollback ng petron at phoenix sa lpg habang P3.36 naman per kilo sa solane.
Bukod dito may rollback din sa presyo ng Auto lpg na P1.90 kada litro.
Ang dagdag at bawas sa presyo ng lpg at produktong petrolyo ay bunsod ng paggalaw sa presyo ng langis sa world market.
Samantala, pinagbigayan ng Makati Regional Trial Court ang petisyon ng Philippine Institute of Petroleum para sa Temporary Restraining Order (TRO) sa fuel unbundling order.
Ayon sa mga industry player, siguradong mauuwi sa regulasyon o pag-control sa presyo ang naturang kautusan.
Sa ngayon ay umiiral ang oil deregulation law kung kaya’t walang kontrol at hindi dapat makialam ang pamahalaan kung paano pinipresyuhan ang produktong petrolyo ng mga oil companies, pero tutol ang Department of Energy(DOE).
Ayon naman kay Laban Konsyumer President Vic Dimagiba, karapatan ng publiko na malaman kung paano pinapresyuhan ng mga oil company ang produktong petrolyo.
Kaya naman nagdududa ang kanilang grupo sa pagtutol ng mga oil company sa fuel unbundling order.
Samantala nanindigan ang DOE na itutuloy nila ang pagpapatupad sa kautusan sa fuel undundbling matapos ang effectivity ng TRO.
(Mon Jocson | Untv News)
Tags: DOE, LPG, produktong petrolyo, rollback sa presyo, taas-presyo
Manila, Philippines – Tataas ang presyo ng Liquified Petroleum Gas (LPG) ngayong linggo.
Ayon sa mga kumpanya ng langis, P 0.50 – P 1 ang madadagdag sa presyo nito kada kilo o nasa P 5 hanggang P 11 dagdag sa kada 11-kilogram na tangke
Bunsod anila ito ng paggalaw ng presyo ng produktong petrolyo sa pandaigdigang merkado.
Gayundin ang pabago-pabagong halaga sa palitan ng piso kontra dolyar. April 1 nang huling magpatupad ang ilang kumpanya ng langis ng price increase sa lpg.
Tags: LPG, taas-presyo
