MANILA, Philippines – Itinuturing ni Philippine National Police (PNP) Chief Police General Oscar Albayalde na “Heinous Crime” ang Hazing gaya ng murder o pamamaslang.
Ganito rin ang pananaw ni Presidential Spokesperson Secretary Salvador Panelo na sumusuporta sa panawagang magbitiw ang hepe ng Philippine Military Academy (PMA) kasunod ng pagkamatay ng isang kadete dahil sa insidente ng Hazing.
“Hazing is basically plain and simple murder.Hazing is a heinous crime.” ani PNP Chief Police General Oscar Albayalde.
Katwiran ni Albayalde, planado ang ginagawang Hazing o anomang klase ng pananakit sa indibidwal bago mapabilang sa isang grupo. Samantala, ipinagbabawal na ito sa ilalim ng Republic Act No. 11053 o ang Anti-Hazing Act of 2018.
Nitong Biyernes (September 20) lamang, kinumpirma ng pulisya na napatay sa hazing si PMA Cadet 4th Class Darwin Dormitorio. Sa pahayag ng PMA at PNP Baguio, tiniyak na kakasuhan ng paglabag sa Anti-Hazing Law ang mga mapatutunayang nanakit sa kadete. 3 kadete na ang itinuturing ngayon na suspek sa krimen, 2 ipa ba ang bagong persons of interest habang 9 naman ang mgatestigo.
“I’m suggesting that there must be a law that will make the heads like the PMA accountable criminally, tigil yan, alam mo pag ginawa mong criminally subject sila sa prosecution, I don’t think magkakaroon pa ng hazing kahit sa mga fraternity, gawing ang mga head ipapakulong.” ani Presidential Spokesperson Secretary Salvador Panelo.
(April Cenedoza | UNTV News)
Tags: anti-hazing law, hazing victim
MANILA, Philippines – Mananatili ang mga insidente ng karahasan sa bansa bunsod ng hazing liban nang mawala ang mga fraternity ayon kay Pangulong Rodrigo Duterte.
Kaya naniniwala ang Punong Ehekutibo na hindi ito masusugpo kasunod ng pagkasawi ng isang kadete Ng Philippine Military Academy kamakailan dahil sa Hazing. Sa kabila rin ito ng pinirmahan niyang Anti-Hazing Act of 2018.
“Hindi mo talaga matanggal ‘yan, Ma’am. Unless you ban fraternity for all time. Make it a criminal offense by joining a fraternity. But that would raise so many constitutional issues. Hindi mo talaga mapigilan ‘yan.” ani Pangulong Rodrigo Duterte.
(Rosalie Coz | UNTV News)
Emosyonal ang pamilya ng hazing victim na si Horacio “Atio” Castillo III nang ipasa sa third and reading sa senado ang amiyenda sa Anti-Hazing Law. Namigay ng bulaklak ang magulang at kapatid ni Atio sa mga senador simbolo ng pasasalamat.
Sa ilalim ng panukala, tuluyan nag iba-ban ang hazing bilang pre-requisite sa pagpasok bilang miyembro sa isang fraternity o organisasyon. Mas pinalawig rin dito ang kahulugan ng hazing, kung saan sasakupin na nito ang pyschological suffering.
Sinomang opisyal o miyembro ng fraternity na kasali sa initiation rites ay maaaring mapatawan ng pagkakakulong ng hanggang dalawampung taon at multa na 1 milyong piso.
Maging eskwelahan ay mapaparusahan rin at mananagot sa ilalim ng panukala.
Samantala, sabay na ring inaprubahan kahapon ng senado ang panukalang i-abolish ang Road Board.
Ayon kay Senator Manny Pacquiao na siyang may akda ng panukala, napapanahon na upang ibigay na direkta ang pondo nito sa implementing agency na Department of Public Works and Highways at Department of Transportation.
( Nel Maribojoc / UNTV Correspondent )
Tags: anti-hazing law, Road Board, Senado
May pagtatangka na pagtakpan ang pagkasawi ng hazing victim na si Horacio Atio Castillo III, ito ang nilalaman ng committee report na isinumite kahapon ni Senator Panfilo Lacson kaugnay ng mga isinagawang imbestigasyon sa pagkasawi ng UST student noong September 2017.
Ilang pangyayari aniya ang magpapatunay na nais pagtakpan ng Aegis Juris Fraternity members ang krimen.
Nakitaan rin umano ang pagkukulang ng pamunuan ng UST sa pagpapatupad ng anti-hazing law. Hindi rin tinanggap ng komite ang paliwanag ni UST Faculty of Civil Law Dean Nilo Divina sa nangyari.
Hiniling din ng komite sa Korte Suprema na magsagawa ng disbarment proceedings laban kay Divina. Kabilang din sa mga nais pabawian ng lisensya bilang abogado ang 18 pang iba pa na sangkot sa umano’y cover-up.
Ilang amiyenda rin sa anti-hazing law ang ipinahayag ng komite, tulad ng pagpapalawig ng sakop ng terminong hazing at pagpapanagot sa mga taong nakakaalam sa nangyayari kahit walang direktang partisipasyon sa initiation rites.
Welcome development naman para sa pamilya castillo ang hakbang na ito ng senado.
( Nel Maribojoc / UNTV Correspondent )
