Tinupok ng apoy ang isang palapag na bahagi ng Caloocan Police Station sa Samson Road sa Caloocan City pasado alas kwatro kaninang madaling araw.
Dahil sa bilis ng pagkalat ng apoy nasunog ang administration office,crime laboratory, Camanava Press Corps, station investigation and operations unit kung saan mayroon mahahalagang mga dokumentong nasama sa sunog. Pasado alas 6:00 na ng umagang ideklarang fire out ang naturang sunog.
Ayon kay Police Senior Superintendent Jemar Modequillo, hepe ng Caloocan police isang bumbero ang nasugatan at dinala sa ospital matapos humampas sa biktima ang fire hose nozzle na gawa sa bakal.
Kaagad namang nadala sa ligtas na lugar ang 90 lalaki at 12 babaeng inmates, kabilang ang isang buntis.
Ayon sa Bureau of Fire Protection, faulty electrical wiring ang tinitignang dahilan ng sunog. Sa ngayon ay inaalam pa ng mga otoridad ang kabuuang danyos na idinulot ng sunog.
( Asher Cadapan Jr. / UNTV Correspondent )
Tags: BFP, Caloocan City Police, sunog
METRO MANILA – Ikinatuwa ng Department of the Interior and Local Government (DILG) ang pag-apruba ng kongreso sa Bureau of Fire Protection (BFP) Modernization Bill upang mas mapalakas ang fire prevention, emergency medical at rescue services sa bansa.
“We thank the Senate and House leadership for ratifying the bicameral conference report on the BFP Modernization Bill.” ani DILG Secretary Eduardo M. Año.
Sa inaprubahang reconciled version ng Senate Bill (SB) No. 1832 at House Bill (HB) No. 7406, nakasaad dito ang pagsasagawa ng modernization program sa ahensya at ang authorization sa ilang BFP Security and Protection Unit (SPU) sa bawat lungsod at munisipalidad na magdala ng baril.
“Not all BFP personnel will be authorized to carry firearms but only around 2,000 personnel who will be assigned under the proposed BFP Security and Protection Unit (SPU) in each city and municipality. We will see to it that this provision will not be abused,” ani DILG Secretary Año.
Samantala,ilan sa gagawing modernization sa BFP ay ang pagkakaroon ng modern firefighting equipment, training at hiring ng karagdagang mga BFP personnel , at ang pagpapatayo ng mas maraming fire stations sa buong bansa.
Sa kasalukuyan, ang BFP ay mayroong lamang 30,811 personnel at 3,046 firetrucks upang maglingkod sa 110.54 milyong populasyon ngayong 2021.
“Napakalaki ang kakulangan ng bilang ng ating mga bumbero, fire trucks at kagamitan ngunit sinisikap pa rin nilang makaresponde sa sunog at iba pang sakuna sa loob lamang ng pitong minuto,” Dagdag ni Año
(Kyle Nowel Ballad | La Verdad Correspondent)
METRO MANILA – Pirmado na ni Pangulong Rodrigo Duterte ang batas na nagpapababa sa height requirements ng mga papasok sa Philippine National Police (PNP), Bureau of Fire Protection (BFP), Bureau of Jail Management and Penology (BJMP), at Bureau of Corrections (BuCor).
Pinirmahan ng Pangulo ang Republic Act (RA) 11549 o PNP, BFP, BJMP, and BuCor Height Equality Act noong Miyekules, Ika -26 ng Mayo, 2021.
Sa ilalim ng batas na ito , mula sa 1.62 meters, ibinaba sa 1.57 meters ang minimum height requirement para sa mga male applicant habang nasa 1.52 meters mula sa dating 1.57 meters naman sa mga female applicant.
Nakasaad din dito na ang mga aplikante na kabilang sa cultural communities o indigenous peoples ay awtomatikong naka-waived sa height requirements.
Samantala, ang mga bagong aplikante ay dapat may edad na hindi bababa sa 21 taong gulang at hindi hihigit sa 40 taong gulang.
Inatasan naman ang Department of the Interior and Local Government (DILG) at Department of Justice (DOJ) na iparating sa mga kinauukulan ang mga patakaran at regulasyon sa loob ng 90 araw pagkatapos magkabisa ang batas.
(Kyle Nowel Ballad | La Verdad Correspondent)
METRO MANILA – Nag-deploy ng 63 firefighter-nurses ang Department of Interior and Local Government (DILG) sa 12 Public and Private hospitals sa National Capital Region bilang tugon sa panawagan ng Department of Health (DOH) sa karagdagang mga health worker upang makatulong sa pagkontrol ng COVID-19 cases sa rehiyon.
“The BFP’s Nurse Deployment Program is a great example of bayanihan. Given the need of nurses in many hospitals in NCR, we are proud to temporarily assign our firefighter nurses to different hospitals where they are urgently needed,” ani DILG Secretary Eduardo M. Año.
Sa kabuuang 63-firefighter-nurses, 9 ang inilagay sa Las Piñas Doctors Hospital in Las Piñas City; 8 sa MCU-FDT Medical Foundation Hospital in Caloocan City; 7 sa The Premier Medical Center in Parañaque City gayundin sa UHBI Parañaque Doctors Hospital, Parañaque City; 5 sa St. Clare’s Medical Center in Makati City; 6 sa Manila Doctors Hospital in Manila City; 4 sa San Juan Medical Center in San Juan City; 4 sa Providence Hospital in Quezon City; 4 sa Novaliches District Hospital in Quezon City; tig-3 firefighter-nurses naman ang naka-assigned sa Gen. Miguel Malvar Medical Research Foundation in Quezon City and Holylife Hospital at Ospital ng Tondo in Manila.
Hindi makakaapekto ang deployment ng mga firefighter-nurses sa firefighting capacity ng Bureau of Fire Protection (BFP) sapagkat ito ay bahagi lamang ng Emergency Medical Service ng BFP, pahayag ni DILG Undersecretary and Spokesperson Jonathan Malaya.
“BFP nurses are no ordinary nurses because they have undergone specialized training in emergency response from the DILG”, dagdag pa ni Malaya.
Samantala, manggagaling pa rin sa BFP ang salary at transportation ng mga nasabing firefighter-nurses na i-de-deploy sa mga ospital.
Babakunahan at sasailalim din ang mga nurse sa RT-PCR test .Pagkakalooban din ang mga ito ng medical assistance,Personal Protective Equipment (PPE) at hospital admission sakaling sila ay mahawaan ng COVID-19 virus.
(Kyle Nowel Ballad | La Verdad Correspondent)
