Patay ang isang high profile inmate habang tatlong iba pa ang sugatan sa pananaksak sa New Bilibid Prison bandang alas syete y medya ngayong umaga.

Batay sa inisyal na ulat na ipinarating ni Justice Undersecretary Erickson Balmes, napatay sa insidente si Tony Co habang sugatan naman sina Vicente Sy, Peter Co at Jaybee Sebastian.

Kasalukuyang ginagamot sa Muntinlupa Medical Center ang mga sugatan.

Nagsimula umano ang gulo sa building 14 sa pagitan mismo ng mga high profile inmate.

Patuloy namang iniimbestigahan ng pamunuan ng Bureau of Corrections ang insidente.

(Roderic Mendoza / UNTV Correspondent)

Tags: 3 iba pa sugatan, High profile inmate patay, pananaksak sa Bilibid