Mahigit P60 milyon ang mga nasirang pananim sa Cotabato dahil sa mainit na panahon.
Apektado ng tag-init ang mahigit 4,000 ektarya ng taniman ng bigas, mais at saging.
4, 539 magsasaka naman mula sa mga bayan ng Alamada, Banisilan, M’lang, Pigcawayan, Antipas, Kidapawan at Matalam, ang apektado ng tagtuyot.
Ipinahayag ni Cotabato provincial agriculturist Engr. Eliseo Mangliwan, na ngayon lang ulit nakaranas ng tag-tuyot ang lalawigan matapos ang halos anim na taong pag-ulan at baha.
Sa kabila ng pinsala, tiniyak ng agriculturist na hindi magiging malaki ang epekto nito sa ekonomiya ng probinsya at hindi magtataas ang presyo ng mga pananim.
METRO MANILA – Inanunsyo ng Malacañang kahapon (April 16) na maaari ng makabili ang mga residente ng Metro Manila ng P39/kg. na bigas sa mga Kadiwa ng Pangulo (KNP) stores sa mga piling syudad sa National Capital Region (NCR).
Ayon kay Presidential Communications Secretary Cheloy Gerafil, hindi lang murang bigas ang mabibili sa KNP stores, mayroon ding mga prutas at gulay.
Ngayong araw (April 17), bukas ang KNP stalls sa employees park sa Taguig City hall, people’s park along McArthur highway sa Malinta, Valenzuela City; at Manila City hall inner court.
Maaari namang bisitahin ang official Facebook page ng Department of Agriculture (DA) para sa iba pang schedule at venue ng KNP stores.
Tags: bigas, DA, KNP Stores
METRO MANILA – Binawi na ni Pangulong Ferdinand Marcos Jr. ang itinakdang price ceiling sa bigas.
Ayon sa pangulo, napapanahon na para alisin ito dahil sapat na ang supply ng bigas sa bansa at inaasahang madaragdagan pa ito bunsod na rin ng harvest season.
Tiniyak naman ng pangulo na magpapatuloy ang tulong ng pamahalaan sa mga mahihirap na pamilya at sa mga magsasaka.
“Well I think it’s appropriate time since namimigay tayo ng mga bigas yes as of today we are lifting the price caps on the rice, both for regular milled for well milled, so tinatanggal na natin ang control” ani Pres. Ferdinand Marcos Jr.
METRO MANILA – Nakatulong ang Rice Tariffication Law (RTL) para sa Department of Agriculture (DA) sa pagkakaroon ngayon ng sapat na supply ng bigas sa bansa.
Noong 2019 ay inumpisahang ipatupad ang RTL na nagpaluwag sa pag-aangkat ng bigas sa bansa.
Ngayong taon ay naitala ang pinakamaraming naangkat na bigas sa kasaysayan ng bansa na lumampas sa 3.5 Million metric tons.
Pero tiniyak ng DA na babalansehin nila ang importasyon at ang lokal na produksyon.
Una ng sinabi ng mga grupo ng mga magsasaka na malaki ang nalulugi sa mga magsasaka dahil sa pagpasok ng mga imported rice.
Ayon naman kay DA Senior Usec Domingo Panganiban, sa unang bahagi ng 2023 ay maghihinayhinay muna ang kagawaran sa pagbibigay ng import permit.
Target ng DA na mabapapa ang gastos sa lokal na produksyon at maparami ang ani ng mga magsasaka.
Sa ganitong paraan anila ay posibleng bumaba pa sa P28 ang kada kilo ng bigas na halos ka-presyo ng bigas na ibinebenta dati ng National Food Authority (NFA) sa mga palengke.
Naglaan din ng mas malaking pondo sa 2023 ang administrasyon para sa mga programa sa agrikultura.
(Rey Pelayo | UNTV News)
