Hindi bababa sa tatlo ang nasawi habang nasa 20 naman ang sugatan sa nangyaring pamamaril sa isang social services agency sa San Bernardino California tatlong oras na ang nakakaraan.
Ayon sa twitter account ng San Bernardino Police, mayroong tinatayang isa hanggang tatlong suspek sa crime scene.
Ayon sa mga otoridad, patungo na sa lugar ang firearms and explosive agents upang i-diffuse ang isang hinihinalang explosive device na patungo sa lugar
Ini-evacuate na ang mga tao sa loob ng pasilidad kung saan nanyari ang pamamaril
Sa kasalukuyan ay naka-lockdown ang buong waterman avenue, gaya ng mga ospital at paaralan habang hindi pa nahuhuli ang mga suspek.
Tags: California, mass shooting incident
Nagpa-abot ng pakikiramay ang Department of Foreign Affairs (DFA) sa mga kamag-anak at kaibigan ng dalawang Filipina na nasawi sa car crash sa Palmdale, California, noong Sabado.
Ayon sa DFA, nakikipag-ugnayan na ang Philippine Consulate General sa Los Angeles sa Sheriff’s office ng LA na inaasahang magbibigay ng detalye sa aksidente na ikinasawi ng dalawang Pinay na nasa 60 anyos.
Sa ulat ni Consul General Adel Angelito Cruz kay DFA Secretary Allan Peter Cayetano, sinabi nito na bumanga ang sinasakyan ng dalawang Filipina sa isang construction truck sa 14 freeway malapit sa Palmdale Boulevard, Sabado ng umaga.
Sinabi rin ng consul general na nakahandang mag-abot ng tulong ang pamahalaan sa mga kamag-anak ng biktima.
Tags: California, car crash, Pinay
Nagbabala ang Center For Climate Science sa University of California Los Angeles (UCLA) sa posibilidad ng mas malalaki at mapaminsalang wildfires sa mga susunod na taon sa California.
Ayon sa bioscience journal study noong Pebrero, ang mortality rate ng mga puno sa California ay patuloy na lumalala na posibleng maging dahilan ng “mass fire” sa estado gaya ng nangyaring Ventura fire noong 2017, na naging pinakamalaking wildfire sa kasaysayan ng California.
Ayon sa Sierra Club, isang environmental organization sa California mula pa noong 2014, mayroon ng hanggang 129 milyong mga puno ang namamatay sa halos 8.9 million acres ang dating may mga punong kulay berde.
Isinisisi ng mga environmentalist ang phenomenon sa climate change, hindi normal na taas ng temperatura, panahon ng matinding tagtuyot sa California at overgrowth ng mga halaman dahil sa fire suppression bunsod ng wildfires.
Bagamat tumutulong ang state government na alisin ang mga patay na puno sa mga forest area upang maiwasana ng malalaking wildfires, nagpaalala ito na laging maging handa lalo na sa paparating na summer season.
Hinihikayat din ng pamahalaan ang mga residente na tumulong sa pag-aalis ng mga puno na natutuyo na sa kanilang lugar.
Ngunit ayon sa ilan sa mga ito, masyadong magastos kung ang mga residente ang papasan, dahil ang gastos para alisin ang isang patay na puno ng isang professional ay aabot ng isang daang US dollars o katumbas ng 52,370 piso.
Tags: California, UCLA, wildfire
Inaasahang sasalubingin ngayong araw ng mga kilos-protesta si U.S. President Donald Trump sa kanyang unang state visit sa California bilang pangulo ng Amerika.
Unang nakatakdang lumipad patungong Marine Corps Air Station Miramar si Trump sa San Diego, kung saan iinspeksyunin nito ang mga itinayong 30 ft. prototype border walls sa Otay Mesa.
Sa Facebook page ng Union Del Barrio’s Los Angeles Chapter, hinikayat ng grupo ang iba’t-ibang immigration groups sa syudad sa kilos-protestang “Trump Out of L.A.”.
Ang California ang naging pangunahing estado sa Amerika na tumututol sa mga polisiya ni Trump gaya ng tax cuts, immiration, health care at iba pa mula nang ito ay maging pangulo.
Ayon kay California Gov. Jerry Brown, isang liham imbitasyon ang ipinaabot nito kay Trump upang bumisita sa Central Valley at makita ang mga tulay na itinatayo dito para sa proposed high speed rail ng estado at upang maipaabot ng California ang pagtutol nito sa panukala ng pangulo na border wall at ang pagpabor naman nila sa pagtatayo ng mga tulay para sa mga komunidad nito.
( Kalvin Manaig / UNTV Correspondent )
Tags: California, kilos-protesta, Trump
