Pinaghahandaan na ng pamahalaan ang Covid-19 vaccination roll-out para sa mga batang limang hanggang labing-isang taong gulang, na uumpisahan sa February 4.
Kaugnay nito, nais sana ng Philippine Medical Association (PMA) na magkaroon ng hiwalay na bakunahan para sa mga bata na nasabing age group, upang maiiwas ang mga ito sa overcrowding sa mga vaccination site.
“Sana magkaroon ng national vaccination days para mas concentrated po ang ating mga magulang na dalhin ang kanilang mga anak sa mga vaccination center”, ani Dr. Benito Atienza, President, Philippine Medical Association (PMA).
Ayon kay PMA president Doctor Benito Atienza, magkaiba ang formulation ng mga bakunang gagamitin sa 5 to 11 years old. Kaya makabubuti sana kung ibubukod ang lugar ng kanilang bakunahan.
Suhestsyon ng doktor, dapat pilipiin ang maluluwag na lugar para sa pagbabakuna ng mga bata.
Mas makakabuti rin aniya kung magkakaroon ng telebisyon sa mga vaccination sites kung saan maari makapanood ng videos ang mga bata upang hindi sila mainip habang naghihintay sa pila.
“Sana ma-separate ang bakunahan ng mga bata doon sa adult kasi iyong mga adult may mga boosters—halo-halo iyan, first dose, second dose kasi iba ang bakunang ibibigay sa mga bata pero may mga specific vials”, dagdag ni Dr. Benito Atienza.
At dahil nalalapit na ang bagbabakuna sa mas nakakababatang age group, hinikayat ng PMA ang mga magulang na pabakunahan na ang kanilang mga anak.
Iminumungkahi ng samahan na kung maari ay magdaos sana ng hiwalay na national vaccination days ang pamahalaan na nakasentro lamang sa pagbabakuna sa mga bata.
Isa sa mga inaalala ng PMA, ay maaring nagaalangan ang mga magulang na dahil sa mga vaccination centers ang kanilang mga anak dahil sa conflict sa trabaho. Kaya naman maigi anila kung itatakda ang bakunahan tuwing weekend.
Nauna nang sinabi ng National Task Force Against Covid-19 na isasagawa ang pagbabakuna sa tig-2 venue sa kada siyudad sa National Capital Region.
Sa ngayon wala pang bagong schedule na itinatakda ang pamahalaan para sa national vaccination days, matapos na magkasakit ang karamihan ng mga health workers na katuwang rin sa pagbabakuna sa mga vaccination center.
Aileen Cerrudo | UNTV News
Tags: COVID-19 VACCINATION, National Task Force Against Covid, Philippine Medical Association (PMA)
METRO MANILA – Sinimulan na kahapon (July 28) ng mga lokal na pamahalaan ang pagtanggap ng mga magpapabakuna ng second booster dose ng COVID-19 vaccines sa mga indibidwal edad 50 pataas at 18-49 yrs old na may commorbidity.
San Juan City, ang V mall sa Greenhills ang napili ng lungsod paara maging vaccination site ng mga nais na magpa-second booster shot. 1,000 ang kayang i-accommodate nito kada-araw ngunit para lamang muna sa mga residente, nagta-trabaho at nag-aaral sa lungsod.
Sa unang rollout nito ayon kay Mayor Francis Zamora, higit 200 indibidwal ang nakatanggap ng second booster shot o ika-4 na dose.
Maging ang Taguig City nagbukas na rin ng bakunahan ng expanded second booster dose, kung saan pinapayagan ang walk-in para sa lahat ng kanilang mga residente.
Paalala ng LGU huwag kalimutang dalhin ang vaccination card, valid ID at trace QR code.
Bukas naman Lunes hanggang Biyernes simula alas-8 ng umaga hanggang alas-5 ng hapon ang 6 na health centers sa Makati City para tumanggap ng mga magpapa-second booster dose. Gayundin ang 3 mga mall sa lungsod.
Sa ngayon tanging mga taga-Makati muna ang prayoridad na mabigyan ng second booster shot.
Sa guidelines na inilabas ng Department of Health (DOH) kailangang may 4 na buwan na interval simula ng makatanggap ng unang booster shot bago turukan ng second booster dose.
Hindi narin required sa mga may comorbidity na magpakita ng medical certificate, ngunit dadaan parin ang mga ito sa medical screening pagdating vaccination site.
Ayon sa DOH, sa ngayon Pfizer at Moderna pa lamang ang brand ng mga bakuna na maaaring gamitin para sa second booster dose.
Tiniyak naman ng pamahalaan na may sapat pang suplay ng mga bakuna sa bansa, ngayong mas pinaiigting at pinalalawak ang booster vaccination.
(Janice Ingente | UNTV News)
Tags: Booster Shot, COVID-19 VACCINATION
METRO MANILA – Target ni Pangulong Ferdinand Bongbong Marcos Jr. na mabakunahan ng booster shot ang 23 milyong Pilipino sa kaniyang unang 100 araw sa pwesto.
Bunsod nito ay inatasan na ni PBBM ang Department of Health (DOH) na palawigin pa ang COVID-19 booster vaccination sa bansa.
Sa ngayon, 15 milyon pa lamang ang nagpapa-booster laban sa COVID-19, out of 55 million na fully vaccinated.
Sa pagtaya ng kagawaran ng kalusugan, para maabot ang target na 23 million, kailangang makapag-bakuna ng booster shot ng nasa 397,000 na Pilipino kada araw sa loob ng 80 araw.
Kaya naman itong abutin, ayon sa DOH, sa kasalukuyang capacity at mga vaccination site na operational sa buong bansa.
Tags: COVID-19 VACCINATION
METRO MANILA – Kinakailangang makapagpasa muna ng batas ang kongreso upang maipatupad ang mandatory COVID-19 vaccination sa Pilipinas.
Ayon kay Health Sec Francisco Duque III, bagamat maganda ang layunin nito na mas mapalawak pa ang pagbabakuna kontra COVID-19 sa bansa
Posible namang lumikha ito ng kontrobersiya. Ngunit kailangan aniyang maintindihan ng publiko ang sitwasyon ngayon ng bansa.
Hindi naman pabor ang mga senador sa panukalang ito ni Sec. Duque. Ayon kay Sen Ping Lacson paglabag sa karapatang pantao ang pagpilit na magpabakuna kontra COVID-19.
Ayon naman kay Senate President Vicente Sotto III, ipinapasa na lang ng DOH sa kongreso ang problema sa nakatenggang milyon- milyong COVID-19 vaccines.
Kakaunti na lang din ang araw na natitira sa mga senador para magpasa pa ng isang batas
Sa isang pahayag naman sinabi ni Sen Koko Pimentel na hindi valid ang ideya na ito lalo na at experimental pa lang naman lahat ng COVID-19 vaccine.
Hindi din anya dapat gawing palusot ng DOH ang pagsasagawa ng mandatory COVID-19 vaccination dahil sa takot na ma-audit sila ng COA sa milyong- milyong bakunang malapit nang mag- expire.
Sa kabilang banda, nanawagan naman si Sec Duque sa mga kandidato na habang sila ay nangangampanya sa nais nilang plataporma ng pamumuno at pamamahala, ikampanya na rin nila ang pagbabakuna kontra COVID-19.
Ilang ulit nang ipinaalala ng health experts na mahalaga ng booster shots dahil sa banta ng mga mas nakakahahawang COVID-19 variants tulad ng Omicron XE.
Batay sa datos ng DOH,mahigit 46.8 million pa ang eligible na magpaturok ng kanilang booster shot mula sa 66.2 million na fuly vaccinated na mga Pilipino.
(Aiko Miguel | UNTV News)
Tags: COVID-19 VACCINATION
