Idineklarang persona non grata ng Ilocos Norte Provincial board si House Majority Leader Rudolfo Fariñas.
Walong provincial board members ang suporta sa isinampang resolusyon ni board member Toto Lazo.
Anila, hindi umano sinunod ng kinatawan ng Ilocos Norte first district ang rule of law nang akusahan ang provincial officers nang maling paggamit sa 66.4 million pesos na tobacco excise tax fund bilang pambili ng mga sasakyan limang taon na ang nakaraan.
Ikinagalit naman ng mambabatas ang hakbang na ito at sinabing walang sinuman ang maaaring magbawal sa kanya sa naturang lalawigan.
Magsasampa aniya siya ng kaso laban sa walong provincial officials na nag-apruba sa naturang resolusyon.
Iaakyat na ni dating Majority Leader Rudy Fariñas sa Korte Suprema ang hindi pa rin maresolbang problema sa mababang kapulungan ng Kongreso, kung sino ang kikilalaning minorya.
Dahil ito sa pinipilit ng mayorya na si Quezon Representative Danilo Suarez pa rin ang minority leader gayung si Suarez mismo ang nanguna sa pagluklok kay Pampanga Representative Gloria Arroyo bilang house speaker.
At base sa rules ng Kamara, sinomang bumoto sa nanalong house speaker ay otomatikong magiging miyembro ng mayorya.
Bagay na sinang-ayunan na noon ng Korte Suprema base sa inilabas na desisyon noong 2016 sa petisyon ng kampo nila Ifugao Representative Teddy Baguilat.
Ayon kay Fariñas, wala nang karapatan si Suarez na pamunuan ang minorya at manatili pa sa minorya kasama ang mga kongresistang bumoto kay Arroyo.
Tanging si ABS party-list Representative Eugene De vera lang ang minority member na hindi bumoto kay Arroyo kaya ayon kay Fariñas, si De Vera na lang ngayon ang maituturing na orihinal na minorya.
Pero giit ni Majority Leader Rolando Andaya Jr. ang rules na sinasabi ni Fariñas ay nag-aapply nalang sa pinakaunang eleksyon sa pagka house speaker at hindi sa re-organization na kanilang ginawa noong ika-23 ng Hulyo.
Sumulat na sina Fariñas kay Arroyo para ipaalam na sila ay sasama kay De Vera para maging miyembro ng minorya.
Habang ang grupo ng Liberal Party kasama ang Makabayan Bloc at independent minority may sarili ring grupo na nais maging minorya ay nagbigay rin ng sulat sa house speaker na nagpapakilalang sila ang opisyal na minority group.
Sa ngayon ay wala pang desisyon ang liderato ng Kamara sa argumento ng tatlong kampong umaangkin sa posisyon ng minorya matapos agad i-adjourn ang sesyon kagabi dahil sa mainit na debate tungkol sa isyu.
( Grace Casin / UNTV Correspondent )
Tags: Fariñas, Kongreso, Korte Suprema
Wala pang natatanggap na formal request ang MMDA hinggil sa panukala ni House Majority Floor Leader Rudy Fariñas na i-exempt ang mga kongresista sa minor traffic violations.
Ayon kay MMDA Chairman Danilo Lim, hindi pa malinaw sa ngayon kung ano ang mga kundisyon na nais hilingin ni Fariñas kaya’t tumanggi muna itong magkomento sa isyu. Paliwanag ng MMDA, maari namang silang magbigay ng exemptions subalit kinakailangan muna itong isangguni at paabruhan sa buong Metro Manila Council.
Bukod sa mga batikos ng netizens, tinututulan rin ng ilang kongresista ang panukalang ito ni Fariñas. Kabilang sa mga ito, sina Albay First District Representative Edcel Lagman, Navotas Lone District Representative Toby Tiangco, Bayan Muna Representative Carlo Zarate at iba pa.
Samantala, umaasa naman ang Malakanyang na tutularan ng mga kaalyado sa Kongreso ang polisiya ng administrasyong Duterte na walang special treatment sa mga tauhan ng gobyerno lalo na sa pagpapatupad ng batas.
( Joan Nano / UNTV Correspondent )
Tags: Fariñas, Metro Manila Council, minor traffic violations
Umani ng batikos sa mga netizens ang pahayag kahapon ni House Majority Floor Leader Rodolfo Fariñas na dapat ma-exempt ang mga kongresista sa minor traffic violations. Katuwiran ni Fariñas, ito ay upang hindi sila maabala sa pagdalo ng mga sesyon sa Kongreso. Pero hindi rin sang-ayon ang ilang kongresista sa panukala.
Ayon kay Albay First District Representative Edcel Lagman, hindi naman nagmamaneho ang karamihan sa mga mambabatas. Naniniwala naman si Navotas Representative Toby Tiango, na dapat ay pantay-pantay ang trato sa lahat. Aniya, ito ang dahilan kung bakit gusto rin niyang ipagbawal ang paggamit ng numero otsong plaka para sa mga kongresista.
Ayon naman sa MMDA, maari silang magbigay ng exemption sa ilang motorista gaya ng persons with disability at mga doktor dahil sa mga emergency, subalit kailangan ng masusing pag-aaral ang hiling ni Fariñas.
Samantala, umaasa naman ang Malakanyang na tutularan ng mga kaalyado sa kongreso ang polisiya ng administrasyong Duterte na walang special treatment sa mga tauhan ng gobyerno lalo na sa pagpapatupad ng batas.
(Joan Nano / UNTV Correspondent)
