Sumailalim na sa briefing ang House of Representatives secretariat kaugnay ng paghahanda nito sa national canvassing matapos ang halalan sa May nine.
Itinuro ng technical representative ng Smartmatic kung paano gagamitin ang Consolidation and Canvassing System o CCS machine.
Inalam rin ng house secretariat kung paano i-operate ang makina.
Maging ang mga upuan at mesa sa loob ng plenary ay nakaayos na rin para sa isasagawang canvassing.
Sa Kongreso bibilangin ang nakuhang boto ng presidente at bise presidente.
Sa May 23 magko-convene ang Senado at ang Kamara upang tumayong National Board of Canvassers.
Tatayong Chairman ng National Board of Canvassers ang Senate President at House Speaker.
Ihahalal naman sa may 23 ang senador at kongresista na magiging miyembro ng Board of Canvassers gayundin ang House at Senate secretariat.
Pagkatapos mahalal ang lahat ng miyembro ng National Board of Canvassers sisimulan na ang canvassing sa May 24.
Oras na makuha na ang lahat ng bilang ng boto sa mababang kapulungan ng kongreso na rin ipo-proklama ng National Board of Canvassers ang susunod na presidente at bise presidente ng bansa.
Inaasahan nang magiging mahigpit ang seguridad na ipatutupad sa loob at labas ng Batasang Pambansa habang isinasagawa ang canvassing.
(Grace Casin/UNTV NEWS)
Manila, Philippines – Kinumpirma ng Parish Pastoral Council for Responsible Voting (PPCRV) na nabulunan ang Transparency Server ng Commission on Election (COMELEC) kaya’t nagkaroon ng 7 oras na pagkakaantala sa paglabas ng resulta ng halalan gabi ng May 13 hanggang madaling araw ng May 14.
Batay anila sa initial findings ng kanilang it experts, pumalya ang file transfer manager o ang aplikasyon na nagpapadala ng datos sa mga tally boards gabi matapos ang unang bato o transmission ng resulta papunta sa ppcrv at media servers.
“We are not speculating today we can tell you….what we can tell you data was transmitting, 2. data was complete and we did observe that there was bottleneck….nabubulunan, we are not in the position why the bottleneck happened” ani PPCRV Chairperson, Myla Villanueva.
Pero ayon sa ppcrv pumapasok ang datos mula 6:15 ng gabi ng May 13 hanggang 1:19 am ng May 14 pero comelec na daw ang dapat magpaliwanag ng tunay na dahilan sa likod ng nasabing pagkaka-antala.
“Yes we saw signs in the logs that is in fact was happening but what we are not saying was what it caused it. The comelec will have to tell the public what caused it” ani PPCRV Chairperson, Myla Villanueva.
Matatandaang noong Biyernes, binigyan ng poll body ng access ang ppcrv sa logs ng kanilang transparency server para imbestigahan ang naturang isyu.
Pero kung tatanungin umano sila kung may election fraud matapos ang insidente ayon sa ppcrv, wala sila sa posisyon para sagutin ito at sa halip ay comelec na ang dapat magpaliwanag dahil sila ang namamahala sa naturang application.
Ikina-alarma ng election observers ang hindi paggalaw ng tally boards matapos maglabas ng unang partial unofficial count ang 0.38 percent ng clustered precincts.
Una nang ipinaliwanag ng comelec na ang application na nagtutulak ng datos mula sa transparency server papunta sa ppcrv terminals at media networks ay nakaranas ng error.
Muli namang hinikayat ng ppcrv na ibigay din sa kanila ang access sa transmission router logs at kopya ng data mula sa comelec central server.
Samantala, nanawagan din ito sa media at iba pang election watchdogs na icounter check ang datos mula sa poll body.
(Mai Bermudez | Untv News)
Tags: 2019 midterm elections, Commission on Elections, National Board of Canvassers, Parish Pastoral Council for Responsible Voting
Manila, Philippines – Hinihintay na lamang dumating ang Dalawang Certificates of Canvass (COC) ng National Board of Canvassers (NBOC) upang matapos ang canvassing ng official results ng halalan.
Ito ay ang mga coc mula sa Kingdom of Saudi Arabia at USA.
Hindi natapos ang canvassing kagabi nguni’t posible aniyang isagawa pa rin ngayong araw ang proklamasyon ng mga nanalong senador at partylist groups.
Bago nagtapos ang sesyon ng nboc pasado Alas-8 kagabi, dumating ang coc ng Japan, Abuja Nigeria at Isabela .
Kahapon naman isinagawa ang special elections sa Brgy Dicamay 1 Jones Isabela. Inaprubahan ng comelec En Banc ang pagsasagawa ng special elections doon matapos sunugin ng mga armadong kalalakihan ang mga Vote Counting Machine (VCM) at balota sa naturang lugar noong araw ng halalan.
Hinintay ng NBOC na ma-transmit ang boto mula sa Jones Isabela kagabi dahil may epekto pa rin ito sa kabuoang resulta ng halalan. 762 ang registered voters sa clustered precinct 18 ng Jones, Isabela.
Pinabulaanan din ng poll body na minamadali nila ang proklamasyon ng mga nanalo sa top 12 senatorial slate at mga partylist groups.
“I’d like to point out that we are not the ones hurrying the proclamation. In fact some people are complaining that we are taking too much time. Meron kasi nananawagan ng early proclamation and if you noticed we have resisted that so far.” Ani Comelec Spokesperson, Director James Jimenez.
Mamayang Alas-10 ng umaga ipagpapatuloy ang canvassing sa natitirang dalawang coc na kukumpleto sa 167 coc na dapat mabilang ng nboc para sa paglalabas ng official results ng midterm elections .
(Aiko Miguel | Untv News)
Tags: 2019 midterm elections, Commission on Elections, National Board of Canvassers
Manila, Philippines – Hindi pa rin tapos ang National Board of Canvassers (NB0C) sa pagta-tally ng mga Certificates of Canvass (COC).
4 na coc ang kailangan pang tapusin ng nboc, ito ay mula sa Japan, Kingdom of Saudi Arabia, USA , Nigeria at 1 coc mula sa Zamboanga Del Dur at Isabela
Ang mga nasabing coc ay may katumbas na 2, 324,838 na boto. Kaya naman paliwanang ng comelec, hindi pa posibleng ma-proklama ang mga nanalong senador at partylist groups ngayong araw. Maaari aniyang matuloy ito sa araw ng Martes o Miyerkules.
“On the matter of proclamation of the senators and partylist, we will announce the date and the time l. We are hoping that it will be early this week..” ani Education and Information Department Director, Atty Frances Arabe .
Kasama rin sa hinihintay ng comelec ay ang mga boto na magmumula sa Jones Isabela na magsasagawa ng special elections bukas dahil sa mga sinunog na vcms at balota.
Muling binanggit ng comelec na sabayan ang proklamasyon gagawin sa mga senador at partylist groups at walang partilal proclamation na itatakda ang poll body .
“The commission en banc wants a 100% proclamation. We will try our best to canvass all the cocs so we can only have one event for the proclamation of senators and the partylist as well, it will be done in one day but seperate schedule. So partylist will be done in the morning and the proclamation for the senators in the afternoon..” ani Education and Information Department Director, Atty Frances Arabe .
Ipinaliwanag din ng comelec na naantala ng isang linggo ang canvassing ng mga boto mula sa overseas absentee voting dahil sa mga depektibong sd cards.
Kinailangan pa aniyang palitan ang sd cards sa naturang mga bansa. Nanggaling pa sa aniya sa warehouse hub sa Sta Rosa Laguna ang mga sd cards na kapalit ng mga depektibo at corrupted.
“They had to ship the replacement of sd cards they should have transmitted it at the close of voting may 13,6pm philippine time. So that should have been the date they should have transmitted the votes..” ani Education and Information Department Director, Atty Frances Arabe .
Umaasa naman ang comelec office for absentee voting na bukas ay makakapagpatuloy na ang transmission pagkakuha ng bagong sd cards
“Actually iyong japan nasa fedex na ng japan, such that close daw yung fedex today hindi nila makuha so we are trying everything kung papaano makuha agad, for them to be able to transmit kaya lang kay japan may naiiwan pang parang 200 ballots to feed before transmission…. For saudi and us wala ng ifefeed transmission nalang. Kay japan 200 more ballots sa tokyo iyan to feed and then go na yung transmission.. So kung sarado sila ngayon tomorrow yun pwedeng makuha yung sd card and the by tomorrow probably maka- transmit yung time just don’t know pero tomorrow hoping tommorow makuha na.” ani Comelec Office for Overseas Voting, Eliza Sabile- David.
(Aiko Miguel | Untv News)
Tags: 2019 midterm elections, COMELEC, National Board of Canvassers
