Ang Zamboanga city ang kadalasang ginawang exit point ng maraming human trafficker mula sa iba’t ibang lugar sa bansa partikular na ang mga nagmumula sa Malaysia.
Umaabot sa 1500 ang naitala ng Regional Inter-Agency Council Against Trafficking in Persons o RIACAT na biktima ng human trafficking nitong mga nagdaang taon sa Zamboanga Peninsula at bahagya itong tumaas nitong 2015 na umabot sa 1800.
Ang Zamboanga city rin ang may tala ng kauna-unahang human trafficking conviction nationwide noong 2005.
Dahil dito sa naalapit na pagdiriwang ng International day against trafficking in persons o human trafficking sa December twelve iba’t-ibang aktibidad ang isasagawa sa Zamboanga city.
Pangungunahan ito ng RIACAT katuwang ang Regional Anti-Trafficking Task Force, sea-based anti-trafficking task force na kapwa binuo ng DOJ.
Kasama rin dito ang AFP, PNP, Philippine Coastguard, Philippine Ports Authority, DFA, CAAP, Bureau of Immigration at marami pang non-government organizations.
Kabilang sa mga nakahanay na aktibidad ay pagsasagawa ng community advocacy kung saan makaroon ng seminar hinggil sa human trafficking sa tatlong barangay ng recodo, baliwasan at mampang na magsimula ngayong araw hanggang sa Huwebes.
Magkaroon rin poster making contest at grand motorcade sa mismong araw ng pagdiriwang.
Layunin nito na maging tuloy-tuloy ang inisyatibo sa pagsugpo at paglaban sa human trafficking at magkaroon ng sapat na kaalaman ang publiko lalo na sa mga liblib na lugar na kadalasang pinapasok ng mga human traffickers.
(Dante Amento/UNTV Correspondent)
Tags: Iba’t ibang aktibidad, International Day Against Trafficking, Zamboanga city
ZAMBOANGA CITY – Arestado ang isang Abu Sayyaf Explosive Expert sa isinagawang law enforcement operation ng Philippine National Police (PNP) at Armed Forces of the Philippines (AFP) sa Sitio Caragasan, Brgy. Maasin, Zamboanga City nitong Martes (November 23) ng umaga.
Kinilala ang suspek na si Kalmi Mustala na pawang Sulu-based member ng ASG.
Si Mustala ay may standing warrant of arrest matapos na magmay-ari ng ilegal na pampasabog, double frustrated murder at double attempted murder na inisyu ng Sulu Regional Trial Court noong Hunyo 19, 2021.
Nasa kustodiya na ngayon ng Zamboanga City Police Office Headquarters ang naturang suspek bago iturn-over sa Jolo Police Station.
Samantala, nagsasagawa naman ngayon ng imbestigasyon ang mga otoridad upang malaman ang lawak ng pagkakasangkot ni Mustala sa mga aktibidad ng nasabing grupo.
(Renee Lovedorial | La Verdad Correspondent)
Tags: Explosive Expert, Zamboanga city
Nalalapit na ang pagbubukas ng P120 million mega isolation facility sa Zamboanga City ayon kay Zamboanga City Mayor Maria Isabelle Climaco-Salazar.
Matatagpuan ang pasilidad sa Zamboanga Economic Zone area ng Sitio San Ramon, Barangay Talisayan, Zamboanga.
Naglalaman ng 320-bed capacity ang isoation center na makakatulong tugunan ang kakulangan ng mga
kama sa mga ospital bunsod ng patuloy na pagtaas ng kaso ng COvid-19
Equipped din ang bawat kwarto ng Individual air-conditioning, comfort room at mga gamit para rito.
Mayroon din itong quarters para sa mga health front-liners, logistics room, at health care section, generator set at 8,000-liter capacity water tanker.
(Kyle Nowel Ballad | La Verdad Correspondent)
ZAMBOANGA, Philippines – Naaresto sa isinagawang manhunt operation ng Zamboanga City Police si Ashraf Kayzar Ikbala, 34-taong gulang, residente ng Barangay Tetuan, Zamboanga City nitong weekend. Nakuha sa kaniya ang pitong sachet ng pinaniniwalaang shabu na tinatayang nagkakahalaga ng ₱156,400, pera at dalawang cellphone.
Si Ikbala ay anak ni dating PNP General Sukarno Ikbala na isa sa mga tatakbo sa pagka-alkalde sa siyudad sa 2019 elections.
Hinuli ito ng mga otoridad sa bisa ng warrant of arrest na inilabas ni Judge Catherine Fabian ng RTC branch 16, 9th Judicial Region, Zamboanga City sa kasong paglabag sa Comprehensive Dangerous Drugs Act of 2002 o RA 9165 section 5 at 11.
Dati nang nahuli si Ikbala sa isang buy-bust operation subalit nakalaya ito matapos makapagpiyansa.
Ani PSSupt. Thomas Joseph Martir, ang director ng Zamboanga City Police, “mayroon din siyang dating kaso according sa nalaman ko because dati yata siyang nakalabas or dati rin yata siyang nahuli sa shabu rin.”
Sa ngayon ay nakakulong na ang suspek sa Culianan Police Station.
(Dante Amento/ UNTV News)
Tags: Ashraf Kayzar Ikbala, Barangay Tetuan, Culianan Police Station, iligal na droga, PNP General Sukarno Ikbala, PSSupt. Thomas Joseph Martir, Zamboanga city
