Porac, Pampanga – Nagkasundo ang provincial board ng Pampanga na isailalim sa State of Calamity ang Ikalawang Distrito ng lalawigan matapos na mapinsala ng 6.1 magnitude na lindol na tumama noong Lunes.
Sa isang mensahe mula kay Vice Governor Dennis Pineda na siya ring Presiding Officer ng provincial board, ipinahayag nito na nagdeklara sila ng state of calamity upang matulungan ang nga residente at establisyimento na lubhang napinsala ng lindol.
Sa bisa ng deklarasyon ng state of calamity mas mapapabilis ang paggamit sa calamity ng isang lalawigan o syudad kapag lubhang nasalanta ng kalamidad.
Kabilang sa mga bayan na sakop ng ikalwang distrito ang floridablanca, guagua, lubao,porac, sta. rita at sasmuan.
Samantala, hawak na ng pulisya ang may ari ng gumuhong Chuzon Supermarket sa Porac Pampanga.
Ayon kay PNP Chief Oscar Albayalde, inimbitahan nila sa criminal investigation and detection group ang negosyante upang malaman kung may kapabayaan ito sa nangyaring aksidente.
“Si mr.chu is under the custody of porac police station he is under investigation para makita kung merong negligence we have also information na yung iba niyang building sa may apalit mukhang may crack din tinitignan din natin baka pati yun eh hindi nagconforme sa building code” pahayag ni PNP Chief Oscar Albayalde .
Samantala ipinagutos na rin ni Department of the Interior and Local Government (DILG) Secretary Eduardo Año sa iba pang local government unit sa Pampanga ang pagsususpinden sa business permit ng iba pang branch ng Chuzon Supermarket.
Layon nito na masigurong ligtas ang iba pa nilang establisyimento upang hindi na maulit ang trahedyang sinapit sa isa sa kanilang branch sa Porac Pampanga.
“Titignan natin factual basis yung sa plano ng kanyang structure hindi ito confirmed pero ang sabi ito daw ay dating 2 storey lang at inextend sa 4th floor tignan natin kung nasunod structural design nya isuspend muna yung business nitong nga chuzon supermarket hanggang sa verify natin na ito ay compliant sa building code” ani DILG Sec. Eduardo Año
Kahapon ay kumuha na rin ng forensic sample ng gumuhong gusali ang Department of Public Works and Highways (DPWH), upang masuri kung substandard o hindi ang ginamit sa materyales sa nasabing supermarket.
Ayon kay Sec. Villar posibleng tumagal ang pagsusuri sa loob ng 1 hanggang 2linggo bago malaman ang resulta.
“Magko conduct muna kami ng forensic analysis ng building so at this point nagcollect muna kami ng samples” ayon kay DPWH Sec. Mark Villar.
Samantala, personal na bumisita kahapon sa Porac Pampanga si Pangulong Rodrigo Duterte upang aktwal na makita ang pinsalang iniwan ng lindol.
Pagkatapos nito ay pinulong rin ng pangulo ang iba pang mga disaster official sa provincial capitol office ng Pampanga.
(Joan Nano | Untv News)
Tags: Pampanga, President Rodrigo Duterte, state of calamity
METRO MANILA – Nagsumite na ng memorandum of request ang Department of Health (DOH) sa Office of the President hinggil sa pagpapalawig ng umiiral na State of Calamity sa bansa dahil sa COVID-19.
Matatandaang epektibo lamang ang State of Calamity hanggang December 31, 2022, matapos palawigin ni Pangulong Bongbong Marcos ang deklarasyon nito mula sa naunang deklarasyon ni dating Pangulong Rodrigo Duterte.
Ayon kay DOH Officer-in-Charge Maria Rosario Vergeire, hiniling nila ang extension sa konsiderasyong hindi pa naisasabatas ang Center for Disease Prevention and Control (CDC) bill.
Dagdag pa ng DOH official na ang COVID-19 response ng ahensya ay nakaangkla sa State of Calamity, tulad ng vaccination program, emergency use authorization ng mga bakuna at gamot, indemnification and immunity from liability, at emergency hiring at emergency allowance ng mga health care worker.
Tags: Covid-19, DOH, PBBM, state of calamity
METRO MANILA – Isasailalim sa State of Calamity ang mga probinsya ng Cavite, Laguna, Batangas, Rizal at Quezon na nasa Region 4A o Calabarzon, ang Bicol Region, Western Visayas at Bangsamoro Autonomous Region in Muslim Mindanao (BARMM) sa loob ng 6 na buwan.
Bunsod ito ng iniwang pinsala ng bagyong paeng sa naturang mga lugar. Base sa Proclamation No. 84 ni Pangulong Ferdinand Marcos Jr, aabot sa 1.4 million na populasyon sa 4 na rehiyon ang malubhang naapektuhan ng bagyo.
Ang desisyon na ito ng pangulo ay ayon na rin sa naging rekomendasyon ng National Disaster Risk Reduction and Management Council (NDRRMC).
Dahil sa deklarasyon ng State of Calamity ni Pangulong Marcos Jr, mas mapabibilis ang rescue, recovery, relief at rehabilitation efforts ng gobyerno at private sector.
Makokontrol din ang maaaring pagtaas ng presyo ng mga pangunahing bilihin.
Kasama nito ay magagamit ng Local Government Units (LGU) ng kanilang mga pondo tulad ng calamity fund para sa pagtulong sa mga naapektuhan ng bagyo.
Inatasan rin ng pangulo ang lahat ng kinauukulang ahensya ng pamahalaan na ipagpatuloy ang ang rescue, recovery, relief at recovery measures ng gobyerno.
Pinatitiyak naman ni PBBM sa Law Enforcement Agencies, kasama ang Armed Forces of the Philippines (AFP) ang kapayapaan at kaligtasan sa typhoon-hit areas.
Ayon kay Philippine army Joint Task Force Central at 6th infantry Divison cCmmander Major General Roy Galido, inatasan na rin sila ng pangulo na gamitin ang lahat ng assets ng AFP upang tumulong sa paghahatid ng tulong sa mga malalayong lugar o mahirap na puntahan na mga nayon lalo na sa BARMM.
Base sa proklamasyon, maaaring maisama pa ang ibang lugar sa deklarasyon ng State of Calamity kung kinakailangan dahil sa patuloy na assessment sa mga lugar na naapektuhan ng bagyo.
(Nel Maribojoc | UNTV News)
Tags: NDRRMC, PBBM, state of calamity
METRO MANILA – Isinailalim sa State of Calamity ang 55 na lugar sa Pilipinas dulot ng epekto ng bagyong Paeng.
Kabilang dito ang buong probinsya ng Albay sa Bicol region na nasa 18 lungsod at munisipalidad.
Ganundin ang buong lalawigan ng Maguindanao sa Bangsamoro Autonomous Region (BARMM).
Kinabibilangan yan ng 36 na siyudad at munisipalidad.
Kasama din sa isinailalim sa State of Calamity ay ang munisipalidad ng Pigcawayan sa Cotabato sa Soccsksargen region.
Kasunod ng pagdedeklara ng state of calamity, sinabi ng NDRRMC na pinapayagan ang mga opisyal ng pamahalaan sa naturang mga bayan na gamitin ang kanilang calamity funds.
Tags: NDRRMC, state of calamity
