Mapayapa sa kabuoan ang ikaapat na araw ng APEC week.
Ito’y kahit na nagkagirian ang ilang grupo ng mga raliyista at pulis sa bahagi ng buendia.
Ayon kay PNP PIO Chief P/CSupt. Wilben Mayor, bagamat may mga nagkagirian ay meron din namang nag self disperse.
Ipinagmalaki rin ng PNP na wala silang inarestong mga raliyista dahil karapatan din naman ng mga ito ang magpahayag ng kanilang saloobin.
Pakiusap lamang ng pnp sa mga militanteng grupo na patuloy na nagsasagawa ng protesta, pairalin ang pagiging mahinahon at iwasan ang pagiging bayolente.
Tiniyak din ng tagapagsalita ng pambansang pulisya na nakahanda ang mga pulis sa banta ng mga militanteng grupo na itotodo nila ang kanilang pagkilos ngayong araw.
Subalit nilinaw na patuloy nilang ipatutupad ang maximum tolerance policy sa mga lugar kung saan dagsa ang mga raliyista tulad sa Baclaran at Buendia.(Lea Ylagan/UNTV Correspondent)
