Eksakto alas nueve ng umaga sa June 22, isang minutong patutunugin ang mga sirena ng bumbero at maging mga kampana ng simbahan sa buong Metro Manila bilang hudyat ng pagsisimula ng ikalawang Metrowide shake drill.
Subalit sa pagkakataong ito, kasama na sa drill ang probinsya ng Rizal, Bulacan, Cavite at Laguna dahil tatamaan rin ito ng west valley fault.
Ang drill ay pangungunahan ng mga local government unit kasama na ang mga barangay na nasasakupan ng bawat syudad at munisipalidad.
Hinikayat din ng MMDA ang iba’t ibang broadcast stations na makiisa at tulungan sila sa information dissemination upang mas maiparamdam sa lahat ang pagiging makatotohanan ng drill.
Kapag tumunog ang sirena at kampana, inaatasan ang lahat na isagawa ang duck cover and hold at mabilis na magtungo sa ligtas na lugar.
Mahalaga na maipagpalagay ng lahat na may totoong tumama ang isang malakas na lindol
Inaasahang makikiisa ang lahat kabilang na ang mga estudyante at empleyado sa mga kumpanya lalo na sa Makati at Ortigas business district.
Maging ang malalaking shopping malls ay makikiisa rin sa drill at ngayong pa lang ay inihahanda na ng mga mall operator ang sistema upang hindi ito pagmulan sa stampede.
Ngunit higit sa lahat, ang partisipasyon ng mga nasa residential area ang higit na mahalaga sa drill na ito.
Hahatiin ang Metro Manila sa apat na bahagi upang mas maging madali ang pagsasagawa ng evacuation sa mga biktima ng lindol.
Kabilang dito ang Villamor airbase sa pasay bilang south sector, Intramuros sa Maynila bilang west sector, VMMC golf course sa Quezon City bilang north sector at LRT 2 Santolan station grounds sa east sector.
(Mon Jocson / UNTV Correspondent)
Tags: Ikalawang Metrowide earthquake drill, June 22, Metropolitan Manila Development Authority
Hinikayat ng Metropolitan Manila Development Authority ang mga motorista na alamin ang mga towing rules upang hindi mabiktima ng mga mapagsamantalang towing company.
Batay sa towing procedure ng MMDA, sa loob ng limang minuto ang isang illegally park na abandonadong sasakyan na wala ang may ari ay dapat ng hatakin ng tow truck.
Ang mga sasakyan naman na iligal na naka park at nandoon ang may-ari ay titikitan lamang ng obstruction o illegal parking.
Sa mga sumbong at reklamo tumawag sa MMDA hotline number 136.
(UNTV RADIO)
Ipapatupad na sa Abril 15 ng Metropolitan Manila Development Authority (MMDA) ang implementasyon ng “no-contact apprehension policy”.
Sa ilalim ng “no-contact apprehension policy”, gagamit na lamang ng closed circuit television cameras (CCTVs) sa paghuli ng mga pasaway na motorista na siyang magsisilbing basehan at ebidensiya laban sa mahuhuling lumabag.
Mayroon nang 50 cameras ang ipinuwesto ng MMDA sa iba’t ibang lugar sa Metro Manila ngunit ito’y pauna pa lamang dahil madagdagan pa ng 100 cameras.
Lahat ng mahuhuli at makukunan ng paglabag ay kukunin na lamang ang plaka ng behikulo para maiberipika sa LTO ang nagmamay-ari nito. Kapag natunton na ay ipapadala na lamang ang summon at traffic violation receipt sa kanilang natukoy na address.
Sa paraan na ring ito ay maiiwasan na ang insidente ng kotong gayundin ang sagabal sa trapiko.
Ang impementasyon ng “no-contact apprehension policy” ay gagawin nang permanente base na rin sa inaprubahang resolusyon ng Metro Manila Council (MMC) noong nakaraang buwan.
(UNTV NEWS)
Tags: Metropolitan Manila Development Authority, No Contact Apprehension Policy
Lalo pang paiigtingin ng Metropolitan Manila Development Authority o MMDA ang pagdisiplina sa mga motorista sa pamamagitan ng pagpapatupad ng no contact apprehension policy simula sa Marso
Manghuhuli ang MMDA ng mga motoristang lalabag sa mga batas trapiko gamit ang cctv camera, cellphone at iba pa.
Kailangang makunan ang aktwal na paglabag kasama na ang plate number ng sasakyan upang mabilis na matukoy kung sino ang may-ari o operator ng sasakyan
Masusubok sa polisiyang ito ang disiplina ng mga motorista kung susunod sa batas trapiko kahit na walang traffic enforcer.
Layon rin nito na mabawasan ang traffic sa mga lansangan na minsan ay dulot ng paglabagbag sa traffic regulations ng mga motorista.
sa pamamagitan rin ng No Contact Policy ay inaasahang maiiwasan ang pangongotong ng ilang mga traffic law enforcer.
Ang mga nakunan ng paglabag ng motorista ay pagaaralan muna ng MMDA at kapag malinaw ang ebidensya ng violation ay padadalan ng notice.
Kung tutol ang driver ng sasakyan ay ipatatawag upang papagpaliwanagin sa opisina ng MMDA
Kailangang magbayad ng motorista ng halaga ng multa sa banko na accredited ng ahensya
Subalit nilinaw ng MMDA na ang no contact apprehension policy ay para sa mga moving violation lamang, hindi kasama rito ang mga adminsitrative violation na tumutukoy sa mga papeles gaya ng prangkisa na kailangang tignang personal ng mga traffic law enforcer.
Sa ngayon ay mayroong mahigit apat na raang cctv and MMDA na nakakalat sa buong Metro manila at balak nila itong dagdagan ng 160 pa.
Nauna ng ipinatupad ng MMDA ang No Contact Policy sa Commonwealth Avenue noong 2011 kung saan lahat ng mga nag o-over speeding ay pinapadalhan ng notice at pinagmumulta.
(Mon Jocson/UNTV News)
Tags: Metropolitan Manila Development Authority, No Contact Apprehension Policy
