Tiniyak ni Secretary Roque na mababasahan ng sakdal ang ilan sa mga sangkot sa karumaldumal na pamamaslang sa Maguindanao massacre. Hindi na idinetalye ni Presidential Spokesperson Secretary Harry Roque ang ginagawa ni Pangulong Rodrigo Duterte para mapabilis ang proseso sa pagresolba ng mga kaso kaugnay ng Maguindanao massacre.
Subalit, tiniyak ng Malacañang na bago matapos ang taong 2018, may mga mapapanagot na sa mga sangkot sa karumaldumal na pagpaslang sa 58 indibidwal kabilang na ang apat na kawani ng UNTV News.
Sa kauna-unahang pagkakataon, nagkaroon ng pagpupulong ang punong ehekutibo sa ilang kaanak ng mga biktima ng Maguindanao massacre noong nakalipas na taon.
Nakatakda ring ipatawag sa Malacañang sa isang pagpupulong ang mga piskal na tumututok sa naturang mga kaso. Welcome development naman sa kaanak ng Maguindanao massacre victim ang ulat ng kalihim.
(Rosalie Coz/UNTV Correspondent)
Tags: Get it Straight with Daniel Razon, Harry Roque, Maguindanao Massacre
METRO MANILA – Isasapinal na ngayong araw ng Metro Manila Mayors, ang kanilang rekomendasyon hinggil sitwasyon ng Enhanced Community Quarantine sa National Capital Region.
Planong irekomenda ng Metro Manila Council sa IATF na muling i-extend ng labing limang araw (15) ang ECQ sa NCR.
Sa panayam kay Paranaque City Mayor at MMC Chairman Edwin Olivarez sa programang Serbisyong Bayanihan, sinabi nito na bagaman nakakakita na sila nang unti-unting pagpatag ng kaso ng COVID-19 sa NCR mas makabubuti pa rin kung muling ie-extend ang lockdown.
Pabor ang MMC na magkaroon muli ng extension, lalo’t magkakaugnay ang mga siyudad sa NCR, at may mga tao na nakatira sa isang lungsod, subalit nagta-trabaho sa ibang siyudad sa Metro Manila.
“Sa paguusapan namin mas maganda kung maikokonsidera ng IATF na mai-extend pa for another 15 days para po yung ating inumpisahan ay magtuloy-tuloy at hindi lang mag flatten yung curve kundi maging down pababa na po yung curve regarding sa ating mga covid patient,” ayon Mayor Edwin Olivarez, Paranaque City and MMC Chairman sa panayam sa kanya ni Kuya Daniel Razon sa programang Serbisyong Bayanihan.
Sakaling palawigin pa sa 15-araw ang ECQ, kumpiyansa ang Metro Manila Mayors na kakayanin pang tugunan ang pangunahing pangangailangan ng mga residente sa NCR.
Samantala, muli iginiit ng Malacanang na ang IATF pa rin ang magpapasya sa kapalaran ng lifting o extension ng ECQ, na dapat ay nakabatay sa siyensa, datos at kakayahan ng health care facilities.
“The ECQ will end on May 15, so I supposed a few days before May 15 dahil kinakailangang mag-transition din tayo sa GCQ para sa mga areas na pwede nang mag-GCQ (General Community Quarantine),” ayon kay Harry Roque,
Presidential Spokesperson.
Suportado naman ng Malakayang ang naunang pahayag ng DILG na may ilang LGU na sa Metro Manila ang pwede nang mag-lift ng ECQ, at maibaba na ang sitwasyon sa General Community Quarantine.
(Joan Nano)
Tags: ECQ, Harry Roque, Kuya Daniel Razon, Mayor Edwin Olivarez, Metro Manila Mayors, Serbisyong Bayanihan UNTV
METRO MANILA – Nagbabala ang Malacañang sa mga lokal na pamahalaang papalyang matapos ang pamamahagi ng Social Amelioration ngayong Abril. Partikular na dito ang ayudang pinansyal para sa mga pinaka-apektadong mamamayan ng coronavirus pandemic.
Maaari aniyang papanaguting sa aspetong administratibo at kriminal ang mga opisyal ng lokal na pamahalaang mapapatunayang nagpabaya.
“Pagkatapos po, magkakaroon na po ng show cause order kung bakit di sila dapat panagutin administravely and criminally. administravely and criminally may be held liable for dereliction of duty, it’s a form of graft,” ani Sec. Harry Roque, Presidential Spokesperson.
METRO MANILA – Nagtagumpay din sa wakas ang mga kaanak ng mga biktima ng 2009 Ampatuan Massacre matapos ang halos 1-dekadang paglilitis.
Sa higit 700 pahinang desisyon na inilabas Kahapon (Dec. 19) ng Quezon City Regional Trial Court Branch 221, napatunayang guilty sa kasong multiple murder ang 43 akusado.
28 sa mga ito ang sinentensiyahan ng Reclusion Perpetua o pagkakabilanggo ng 40 ng walang parole pangunahin na ang magkapatid na Zaldy at Andal Ampatuan Junior at 5 pang miyembro ng pamilya Ampatuan.
Ang mga ito ang direktang kasama sa pagpaplano at pagpatay sa mga biktima. 15 mga akusado naman ang hinatulang makulong ng 6 hanggang 10 taon bilang mga kasabwat sa krimen.
Halos lahat ng mga ito at mga pulis, maliban kay Bong Andal na operator ng backhoe na ginamit sa paglilibing sa mga biktima. Ang mga napatunayang guilty, pinagbabayad din ng danyos sa bawat pamilya ng 57 biktima.
Pinawalang-sala naman ng Korte ang 56 na mga akusado, kabilang na sina Sajid Islam Ampatuan at Akmad Ampatuan. Abswelto rin ang lahat ng akusado sa Ika-58 kaso dahil sa pagkamatay ng mamamahayag na si Reynaldo Momay.
Hindi kasi natagpuan ang bangkay nito at ayon sa Korte hindi sapat ang nakitang pustiso nito bilang patunay na kasama itong napatay sa massacre. Muli namang iniutos ni Judge Jocelyn Solis-Reyes ang pagaresto sa 80 mga akusadong nakalalaya pa rin hanggang ngayon. Itutuloy ang paglilitis sa kaso ng mga ito oras na sila ay maaresto.
(Roderic Mendoza | UNTV News)
Tags: Maguindanao Massacre
