Gaya ng produktong petrolyo, may imbentaryo rin ang mga car dealer kaya di agad magpapatupad ng dagdag-presyo sa kanilang produkto.
Inuubos pa nila sa ngayon ang mga lumang stock na hindi kabilang sa papatawan ng excise tax. Naghihintay din sila sa Implementing Rules and Regulations o IRR ng batas.
Pero kahit wala pang ipinatutupad na pagbabago sa presyo ang Hyundai Philippines, inaasahan na nila ang pagbaba ng kanilang sales kapag nagpatupad na ng price adjustment.
Sa taya ng FinancePH, isang grupo ng mga certified public accountants, kapag naipatupad automobile excise tax rate, 12 thousand hanggang 88 tousand pesos ang magiging increase sa mga sasakyang nagkakahalaga ng 1.2 million pesos. 28 thousand pesos naman ang ipapatong sa mga sasakyang nagkakahalaga ng 1.5 million pesos.
Payo naman ni Mark Fernandez, Financial Analyst / Founder ng FinancePH, sa mga nais magkaroon ng sasakyan sa gitna ng nakaambang pagtataas sa presyo ng mga brandnew na sasakyan, kung may makukuha na mas murang halaga ng sasakyan para makatipid sa krudo na gagastusin, mas maiigi at kung madalas namang pumapasok sa opisina, maaari namang kumuha ng taxi o Uber.
( Mai Bermudez / UNTV Correspondent )
Tags: car dealers, IRR, tax reform law
METRO MANILA – Pinirmahan na ni Pangulong Ferdinand Marcos Junior ang Republic Act 11984 o ang batas na nagbabawal sa no permit no exam policy sa mga eskwelahan.
Sa ilalim nito ang lahat ng public at private educational institutions ay inuutusan na i-accommodate at payagan ang mga estudyante na makapag-take ng periodical at final exams, kahit na hindi pa nakapagbayad ng tuition at iba pang bayarin. Hindi na rin kinakailangan na kumuha pa ng permit.
Bukod dito inaatasan din ang lahat ng municipal, city at provincial social welfare and development offices o regional offices ng DSWD, na mag-issue ng kinakailangang certificate para sa mga disadvantage students sakaling mayroong kalamidad, emergencies at iba pang kadahilan basta’t nakasaad sa Implementing Rules and Regulations (IRR) na babalangkasin ng DSWD.
Hindi naman inaalis ng batas ang karapatan ng mga eskwelahan na mag-require ng pagsusumite ng promissory note, at i-hold ang credentials ng mga estudyante, kung hindi pa rin sila nakapagbabayad ng tuition at iba pang bayarin.
Ang mga lalabag sa batas na ito ay maaaring patawan ng administrative sanctions alinsunod sa polisiya ng Department of Education at TESDA.
MANILA, Philippines – Nilagdaan na ng Department of Health (DOH) ang Implementing Rules and Regulations (IRR) ng Universal Health Care Law.
Sa paglagda ng IRR, nangangahulugan na sisimulan na ang implementasyon nito matapos itong mailahatla sa mga pahayagan. Sa ilalim ng naturang batas, otomatikong magiging miyembro ng PhilHealth ang lahat ng mga Pilipino.
Ang mga direct o indirect contributors ng PhilHealth ay parehong makikinabang sa no balance billing kapag sila na-admit sa basic o ward accomodations ng ospital.
Ayon kay Health Secretary Francisco Duque III, hinay hinay lamang ang magiging implementasyon nito dahil na rin sa usapin sa budget.
Aabot sa P257B ang pondong kakailanganin sa unang taon ng implementasyon nito. P167B lamang ang nakalaang pondo sa kasalukuyan. Sa taong 2020, mahigit P1T ang kanilang kakailanganing pondo.
“2020 to 2024 that will be P1.5T requirement to operationalize the Universal Health Care” ani DOH Sec. Francis Duque III.
Dahil sa Universal Health Care Law, asahang rin ng premium rates ang PhilHealth.
“Sa premiums naman it increases by 25% a year, I think this year its 2.75 %” ani President & CEO, Philhealth Ricardo Morales.
Pag-aaralan naman ng PhilHealth ang mga bagong benepisyo na maaaring matanggap ng mga nagbabayad ng kanilang contributions na iba sa mga makikinabang sa Universal Health Care Act.
(Aiko Miguel | UNTV News)
Tags: DOH, IRR, Universal Health Care Law
MANILA, Philippines – Naisapinal na ng Joint Review Committee ang bagong Implementing Rules and Regulations (IRR), matapos ang 10-araw na pagbusisi sa IRR ng Good Conduct Time Allowance (GCTA) Law.
Nilagdaan na Kahapon (September 16) ang Revised IRR nina Justice Secretary Menardo Guevarra at DILG Secretary Eduardo Año. Nilinaw sa Revised IRR kung sino ang mga hindi dapat makinabang sa GCTA.
Ang mga nakagawa ng heinous crimes na nakasaad sa Republic Act No. 7659 o Death Penalty Law ay hindi makikinabang sa muling pagkalkula ng sentensya sa ilalim ng GCTA.
Kabilang na ang Treason, Qualified Piracy at Bribery, Parricide, Murder, Infanticide, Kidnapping And Serious Illegal Detention, Robbery,Rape, Destructive Arson, Carnapping at ilang Illegal Drug Offenses.
Pangalawa ay Transparency, dapat maisapubliko ang mga pangalan ng mga makikinabang sa GCTA pangunahin na sa mga website ng ahensya. Makakasama na rin ang DOJ at iba pang Civil Society Organization sa screening and evaluation committee
Tinukoy rin sa bagong IRR kung anong period gagawin ang recomputation para sa pagkakaloob ng GCTA. Dahil dito, sinabi ni Secretary Guevarra na tiyak na hindi makakasama dito sa expanded GCTA ang convicted rapist at murderer na dating Mayor Antonio Sanchez.
Idedetalye ang GCTA Law IRR sa irerebisa namang guidelines o manual ng GCTA. Kung saan binigyan ang DILG-DOJ Review Committee ng 60 days para naman magrekomenda ng pagbabago sa nasabing guidelines.
(Nel Maribojoc | UNTV News)
