Kanselado ngayon ang biyahe ng ilang eroplano patungong Basco, Batanes at pabalik ng Maynila dahil sa masamang lagay ng panahon.
Sa abisong inilabas ng Manila International Airport Authority (MIAA), hindi muna pinabibibiyahe ang Skyjet flight 816 at 817, gayundin ang Cebgo flight 6009 at 6010.
Ang mga apektadong pasahero ay pinapayuhang makipag-ugnayan sa mga airline company o travel agencies o maaaring ring tumawag sa NAIA Terminal 4 hotline 877-11-09 local 4226 para sa rebooking ng kanilang mga flight.
