Protesta mula sa ilang grupo ang sumalubong kahapon sa joint session ng Kongreso sa pagtalakay sa hiling ni Pangulong Rodrigo Duterte na palawigin pa ng isang taon ang batas militar sa Mindanao.
Sa kabila ng mga protesta, nanaig pa rin ang mayorya sa mga mambabatas na pumabor sa hiling na martial law extension.
Para kay Commission on Human on Rights (CHR) Chairperson Jose Luis Gascon, magmula pa noong una ay tutol na sila sa pagpapatupad ng martial law.
“Sa aming pananaw, sa aming nakikita ay walang batayan sa usapin ng invasion o rebellion, pero ang aming tukoy bilang institution syempre ay yung human rights issues”. – pahayag ni CHR Chairperson Jose Luis Gascon
Pangunahin pa ring tumutol sa panukala ay ang mga miyembro ng Makabayan bloc sa Kamara si Albay Representative Edcel Lagman at ang mga miyembro ng minorya sa Senado.
Ayon sa mga ito, walang naipakitang matibay na basehan para palawigin ang martial law at mas maganda anilang tutukan ay ang pagpapaunlad sa rehiyon.
Sa kabila ng kanilang pagtutol, wala namang plano si Senate Minority Leader Senator Franklin Drilon na iakyat pa ang usapin sa Korte Suprema.
Kumbinsido naman si Senator Panfilo Lacson sa paliwanag ng security officials sa pangangailangan na i-extend ng isang taon ang martial law sa Mindanao.
( Nel Maribojoc / UNTV Correspondent )
Tags: martial law., Mindanao, security officials
METRO MANILA – Kapwa tinutulan ng Department of Justice (DOJ) at Philippine National Police (PNP) ang mga panawagang secession o paghiwalay ng Mindanao sa Pilipinas.
Ayon sa DOJ, labag sa prinsipyo ng democratic society ang secession alinsunod sa Article 2, Section 2 ng konstitusyon.
Bilang principal law agency ng ehekutibo, nananatili umanong committed ang DOJ sa pangangalaga sa soberanya ng Pilipinas.
Ayon naman kay PNP Chief PGen. Benjamin Acorda Jr., hindi maaaring mabalewala ang maraming buhay at dugo na isinakripisyo para sa kapayapaan ng Mindanao at posibleng magresulta umano ng gulo ang paghihiwalay dito.
Mahigpit na seguridad ang ipinapatupad ngayon ng Eastern Mindanao Command (EastMinCom) matapos iakyat sa red alert ang kanilang status kasunod ng nangyaring pagtama ng magnitude 7.4 na lindol sa Caraga Region at bombing incident sa Marawi City.
Kabilang sa isinagawang hakbang ang intensified checkpoint operations na ipinatutupad sa area of responsibility ng ahensya.
Kasama na rito ang bus boarding operations, foot and water patrols, at enhanced troop visibility sa mga crowded areas katuwang ang Davao City Police Office.
Samantala, naka-standby ngayon ang 30 Humanitarian Assistance and Disaster Response (HADR) team na idineploy ng EastMinCom upang mag-assist sa bawat Local Government Units (LGUs) matapos ang tumamang lindol sa Hinatuan, Surigao Del Sur at mga apektadong bahagi ng Eastern Mindanao.
Maagap din ang pagsasagawa ng mobile security patrol ng AFP gayon na rin ng transportation assistance, monitoring/ocular inspection para sa mga nasirang imprastraktura at iba pa.
Batay sa latest report, nasa 16 na paaralan na ang apektado ng naturang lindol, habang mahigit 500 ang mga nasirang bahay, 38 gusali, at 4 na tulay ang partially o totally damage sa iilang bahagi ng Caraga at Davao Region.
Aabot din sa mahigit 3,000 pamilya na binubuo ng 61, 791 individuals kung saan 14 ang naitalang sugatan habang 3 ang kumpirmadong nasawi.
Ayon pa kay EastMinCom Commander Lt. Gen. Greg Almerol, bagaman nananatiling isolated ang bombing incident sa Marawi City, tinitiyiak aniya na hindi nila papabayaan kaligtasan ng Mindanao partikular ng Eastern Mindanao.
(Fe Gayapa | La Verdad Correspondent)
METRO MANILA – Pinulong ni Pangulong Ferdinand Marcos Junior sa pamamagitan ng video conference ang ilang mga opisyal ng pamahalaan kahit nasa Hawaii.
Ayon sa malakanyang, inutos ng pangulo ang patuloy na relief operations sa mga naapektuhan ng lindol lalo na sa Sarangani province.
Pinatututukan rin ni PBBM sa mga opisyal ang mga naapektuhang lugar dahil na rin sa mga aftershocks. Pinatitiyak rin niya ang kaligtasan ng mga residente sa lugar.
Kasama sa pulong sina Defense Secretary Gilbert Teodoro, Health Secretary Teodoro Herbosa, Social Welfare Undersecretary Edu Punay, Office of Civil Defense Undersecretary Ariel Nepomuceno at iba pang opisyal.
Tags: 6.8 magnitude, Magnitude 6, Mindanao, PBBBM
