Dumulog sa Korte Suprema ang ilang grupo ng kabataan sa pangunguna ng Akbayan Youth at SK Reform Coalition upang humingi ng extension sa pagpaparehistro ng mga botante para sa SK Elections sa Oktubre.

Ayon sa grupo, hindi sinunod ng COMELEC ang nakasaad sa Section 31 ng SK Reform Law na dapat ay hindi bababa sa isang buwan ang special registration.

Bukod rito, may mga naging problema umano sa ibang lugar kaya hindi nakapagrehistro ang ibang kabataan gaya na lamang sa Makati.

Ngunit ayon SA COMELEC, magagahol na sila sa panahon kapag nagbigay pa ng extension.

Handa ring magpaliwanag ang komisyon sa Korte Suprema.

Sa kabila nito, nakahanda naman ang COMELEC na sumunod sakaling pagbigyan ng Mataas na Hukuman ang petisyon ng mga kabataan.

(Roderic Mendoza/UNTV Radio)

Tags: Akbayan Youth, SK Reform Coalition