Kaalinsabay ng pagdiriwang ng buong bayan sa pagkapanalo ni Ms.Philippines Pia Wurtzbach sa Ms.Universe 2015, nagpaabot naman ang ilang mga mambabatas ng kanilang pagbati kay Pia.

Ayon kay Senator Sonny Angara, ang pagkapanalo ng ating kandidata sa ganitong uri ng kompetisyon ay tunay na pagbibigay ng parangal at saya sa buong bansa lalung-lalo na umano ngayong panahon kung kailan marami sa ating mga kababayan sa labas mg Maynila ay dumanas ng pinsala ng bagyong Nona.

Gayundin ay nagpaabot ng pagbati si Presidential aspirant Senator Grace Poe kay Wurtzbach dahil sa ipinakita nitong istorya ng determinasyon at tapang na siya umanong istorya ng bawat Pilipino.

Si Pia Wurtzbach, ang ikatlo sa kasaysayan ng bansa na nagwagi sa Ms.Universe. Unang nasungkit ng Pinay na Gloria Diaz ang korona noonh 1969, sinundan ni Margie Moran noong 1973 at matapos ang apat na dekada ay muling nakuha ng Pinas ang korona ng Ms.Universe.

(Meryll Lopez / UNTV Radio Reporter)

Tags: ikinatuwa, Ilang mga mambabatas, Ms.Pia Wurtzbach, Ms.Universe 2015, pagkapanalo