Pinatawan ng 90-day preventive suspension ang ilang opisyal ng Department of Budget and Management (DBM) na sangkot sa PDAF scam.
Kabilang dito sina DBM Undersecretary Mario Relampagos, at staff nito na sina Rosario Nunez, Lalaine Paule at Marilou Bare.
Hindi kinatigan ng Korte ang inihaing motion for reconsideration ng mga akusado dahil wala naman silang naiprisintang bagong argumento upang bawiin ang suspension order noong March 9.
Dagdag pa ng korte may sapat na basehan ang kasong graft laban sa mga akusado kaya’t mandatory na ang suspension order.
Inaasahan namang magpapasa ng compliance report ang DBM sa loob ng limang araw kung naipatupad na nito ang utos ng Sandiganbayan.
