Bagama’t naiintindihan nila ang dahilan sa likod ng mas maigting na panghuhuli sa mga lumalabag sa mga ordinansa sa Maynila.
May pangamba ang ilang residente sa Baseco Compound sa Tondo sa gitna ng napapabalitang mga kaso ng panghuhuli sa mga inosenteng tambay.
Kaya naman nakitambay ang UNTV News and Rescue Team sa Baseco at aming inalam ang tunay na dahilan sa likod ng pagtambay ng ilang mga naninirahan dito.
Mahimbing pang natutulog kaninang tanghali si Veronica na may 5 anak. Aniya, sa labas siya ng bahay nagpapahinga dahil mainit sa loob ng kanilang tahanan. Ganito rin ang katuwiran ni Mang Melchor.
Kung dati, nakakapag-hanapbuhay pa si Aling Veronica ng ukay-ukay at iba pang mga gamit tuwing gabi, dahil sa takot umanong mapagkamalang kriminal ay hindi na siya nagtitinda.
Pakiusap na lang ng mga residenteng gaya ni Aling Veronica, linawin sana ng mga pulis kung ano ang nalalabag na ordinansa ng kanilang mga hinuhuling nakatambay sa mga kalye.
( Mai Bermudez / UNTV Correspondent )
Sa pamamagitan ng prinsipyo na “parens patriae” {pahrens patri-yih} o parent of the country na nagbibigay ng karapatan sa estado na protektahan ang mga indibidwal na walang kakayanang gawin ito para sa kanilang sarili.
Ipinag-utos ni Pangulong Rodrigo Duterte ang isailalim sa kustodiya ang mga menor de edad na umano’y tambay sa mga lansangan.
Ayon sa Pangulo, ito ay para sa proteksyon ng mga kabataan. Ngunit paglilinaw ng Pangulo, hindi ito pag-aresto dahil sa paglabag sa batas kundi ilalagak lamang ang mga kabataan sa magdamag sa isang ligtas na lugar.
Ginawa ng Pangulo ang pahayag sa kanyang talumpati sa oath-taking ng mga bagong barangay official ng Northern Mindanao na isinagawa sa Cagayan de Oro City.
Ito ay sa kabila ng mga nauna nang pagbatikos ng iba’t-ibang grupo at indibidwal sa direktiba ng Pangulo na alisin ang mga tambay sa mga lansangan.
Ayon pa sa Pangulo, ang pag-aalis ng mga tambay sa mga lansangan ang makapagliligtas sa bansa sa mga kasamaan.
Muli ring binanggit ni Pangulong Duterte ang kanyang pangako na hindi pababayaan ang mga pulis na makakasuhan dahil sa pagsunod sa kanyang mga direktiba.
( Weng Fernandez / UNTV Correspondent )
Tags: menor de edad, Pangulong Duterte, tambay
Nilinaw ni Pangulong Rodrigo Duterte na hindi isang krimen ang pagtambay. Dumipensa rin ang punong ehekutibo na hindi niya ipinag-utos ang pag-aresto sa mga ito.
Ayon sa pangulo, ang sinabi niya noong ika-13 ng Hunyo sa kanyang talumpati sa Malakanyang ay ang pagpapauwi sa mga tambay.
Sa kanyang talumpati sa pagbubukas ng 2018 National ICT Summit sa Davao City noong Biyernes, tinuligsa ni Pangulong Duterte ang kanyang mga kritiko at sinabihang hindi nakikinig ang mga ito.
Matatandaang umani ng mga batikos ang umano’y pag-uutos ng pangulo na hulihin ang mga tambay dahil hindi naman ito labag sa batas kundi paglabag sa karapatang pantao.
Lalo pang uminit ang pagbatikos sa pangulo ng masawi sa kulungan ang isang naaresto umanong tambay na si Genesis “Tisoy” Argoncillo matapos na bugbugin ng nakasama nito sa selda.
Ayon kay Senator Richard Gordon, ang chairman ng Senate Justice and Human Rights Committee at isa sa mga tumututol sa operasyon kontra tambay ng PNP, umabot na sa 7,300 ang naarestong indibidwal mula ng ipatupad ang anti-loitering operation sa Metro Manila.
( Janice Ingente / UNTV Correspondent )
Tags: Davao City, Pangulong Duterte, tambay
Umabot sa siyamnapu’t pitong katao kabilang ang mga menor de edad ang hinuli ng mga pulis sa isinagawa nitong Oplan Tambay sa iba’t-ibang lugar sa Pasay City kagabi.
Ang mga ito ay mga walang damit pang-itaas o half naked, umiinom ng alak sa pampublikong lugar, o mga menor de edad na lumabag sa curfew hour.
Ang mga nahuli ay dinala sa Pasay City police headquarters at isasailalim sa inquest proceedings.
Habang ititurn-over naman ang mga menor de edad sa Department of Social Welfare and Development (DSWD).
Tags: DSWD, Pasay city, tambay
