Para sa ilang vice president candidate, panalo ang kanilang presidential running mate na humarap debate kahapon sa Cagayan de Oro.

Ayon kay Senador Alan Peter Cayetano, si Mayor Duterte lang ang may mabilis na solusyon at aksyon na tapusin ang gulo at isulong ang tunay na pagbabago.

Para naman kay Senador Ferdinand Marcos, mas sanay si Senador Miriam Santiago na makipag debate kumpara sa ibang kandidato.

Sinabi naman Ni Senador Antonio Trillanes IV, magandang resulta ang debate para mas masuri ng mga botante ang mga kandidato.

Ngunit dapat pang pag ibayuhin ang format nito upang mailatag ang iba pang isyu at programa.

Ipinagtangol naman ng kampo ni Senador Grace Poe sa pahayag na ang presidente ay hindi dapat OJT

Ayon kay Mayor Rex Gatchalian, tagapagsalita ni Poe sapat ang karanasan ni Poe upang mamuno sa bansa.

Ipinahayag naman ni Joey Salgado ang communications director ng United Nationalist Alliance malinaw ang mga datos na bumaba ang mga mahihirap sa Makati sa ilalim ng pamamahala ng mga Binay, salungat sa nalalaman ni Roxas.

Sinabi naman ng kampo ni Roxas, malinis ang intensyon at pangarap ng dating kalihim para sa bansa.

Para naman sa Malakanyang ipinakita ni Roxas ang kanyang kahandaan sa naturang debate.

(Bryan de Paz/UNTV News)

Tags: vice presidentialable