METRO MANILA – Hinarang ng Bureau of Customs (BOC) sa Ninoy Aquino International Airport (NAIA) ang 38 parsela na may 77 poker chip-set at iba pang mga gamit sa pagsusugal.
Walang permit mula sa Philippine Amusement and Gaming Corporation (PAGCOR) ang mga naturang paraphernalia at inangkat mula sa Central Mail Exchange Center (CMEC).
Sa koordinasyon ng Philippine Postal Corporation (Philpost) at pagbabantay ng mga frontliner ng BOC-NAIA, Customs Intelligence & Investigation Service (CIIS-NAIA), Enforcement and Security Service (ESS-NAIA), X-ray Inspection Project (XIP-NAIA), ang mga kargamento ay nakumpiska. Lumalabag sa Seksyon 119 ( b) ng RA 10863 o ang Customs Modernization and Tariff Act (CMTA) ang mga nahuling gamit sa pagsusugal.
Dadalhin sa Auction at Cargo Disposal Division ang mga naharang na set ng poker chips at iba pang mga gamit sa pagsusugal at ibibigay sa PAGCOR alinsunod sa Seksyon 1147 (b) ng CMTA.
Paiigtingin pa ang pagpapatupad ng smuggling drive ni Commissioner Rey Leonardo B. Guerrero at patuloy na poprotektahan ang pangunahing paliparan sa bansa laban sa lahat ng iligal na pag-import ng mga pinaghihigpitang produkto.
(Beth Pilares | La Verdad Correspondent)
METRO MANILA – Inaasahan ng Department of Transportation (DOTr) na sa darating na Miyerkules, March 27, posibleng umabot sa 150,000 ang bilang ng mga daragsang mga pasahero sa Ninoy Aquino International Airport (NAIA).
Mas mataas ito kumpara sa daily average na kadalasang umaabot ng 135 hanggang 140,000 lamang.
Umaasa si DOTr Sec. Jaime Bautista na agad na maipatutupad ng winning bidder para sa NAIA rehabilitation ang ilang infrastructure projects gaya ng bagong kalsada para maibsan ang mabigat na daloy ng trapiko lalo na tuwing peak season.
METRO MANILA – Inihain ni OFW Party-list Representative Marissa Del Mar Magsino ang House Resolution Number 1615 upang imbestigahan ng komite sa kamara ang mga isyung kinakaharap ng Ninoy Aquino International Airport (NAIA).
Partikular na ang ulat ng mga peste at mabigat na daloy ng trapiko sa complex at mga kalapit-lugar ng paliparan.
Gayundin ang mahabang pila ng mga pasahero sa immigration checking counters.
Ayon sa mambabatas, nakaapekto na ito sa kalusugan at kaalwanan ng mga bumibiyaheng pasahero.
Binibigyang-diin sa resolusyon ang mga nakakababahalang isyu sa NAIA na nakaapekto sa reputasyon ng bansa.
Tags: NAIA
METRO MANILA – Nagpaalala ang Bureau of Customs (BOC) sa mga Pilipino sa ibang bansa na piliing mabuti ang freight forwarding firms sa pagpapadala ng balikbayan box sa kanilang pamilya sa bansa.
Sa social media post, sinabi ng BOC na dapat piliin ng mga customer ang mga reputable forwarding company na accredited ng Department of Trade and Industry (DTI) para matiyak ang kaligtasan ng kanilang mga balikbayan box.
Ito ay matapos ang mga report na natanggap ng ahensya tungkol sa mga kaso ng abandonadong balikbayan boxes.
Sa kabuoan, nasa 15 na ang foreign at local forwarders o consolidators ang may mga kaso ng abandoned balikbayan boxes.
Ito ay ang kabayan Island Express Cargo, GM Multi Services Cargo, Allwin Cargo LLC, Sel Air Cargo, Manila Cargo, Sky Freight, Mediacom Express Cargo, CMS General Services, Pinoy Network Cargo WLL FZC LLC.
Habang ang mga local forwarders o deconsolidators na may kaso ng inabandonang padala ay ang FBV Forwarders and Logistics Inc.,, Etmar International Logistics, Cargoflex Haulers Corp., KC door to door delivery services, Rensworld Freight Logistics Corp., FGTI Forwarding Services, CMG International Movers.
Hinimok din ng BOC ang publiko na makipagugnayan sa ahensya kung may alalahanin o may karagdagang impormasyon sa kanila, sa pamamagitan ng Bureau of Customs – Customer Assistance and Response Service o BOC-Cares sa pamamagitan ng hotline number (02) 8705-6000 o sa pamamagitan ng email sa boc.cares@customs .gov.ph.
Tags: balikbayan boxes, BOC
