Nagpalabas na ng immigration lookout bulletin order si Justice Sec. Vitaliano Aguirre laban kay Chinese Gambling Tycoon na si Yin Lok Lam, alyas Jack Lam.
Kinansela na rin ng Bureau of Immigration ang investors visa ni Lam kaya binabantayan nang mabuti ang pagpasok nito sa Pilipinas upang agad na arestuhin.
Ayon naman kay PNP Chief PDG. Ronald Dela Rosa, nakikipag-ugnayan na sila sa interpol upang malaman ang kinaroroonan nito.
Sa ngayon ay wala pang inilalabas na warrant of arrest laban kay Lam na itinuturong nasa likod ng isang illegal online gaming operation sa fontana at fort ilocandia kung saan mahigit 1300 illegal Chinese workers ang nahuli noong November 25.
Ngunit sinabi ni Gen. Dela Rosa na maaari itong arestuhin sa salang economic sabotage na isang continuing crime.
(Lea Ylagan / UNTV Correspondent)
Tags: aarestuhin ng PNP pagbalik ng bansa, Illegal Online Gaming Operator Jack Lam
