Mahigpit na ipinapatupad sa Iloilo City ang kampanya kontra rabies kaya naman mahigit sa tatlong taon nang rabies free ang syudad.
Simula noong 2013 walang naitalang kaso ng rabies ang city Veterinary sa kabila ng patuloy na pagdami ng aso sa siyudad.
Ito ay dahil sa epektibong Tracing at Tracking Program ng City Government kung saan inaalam at iniimbestigahan kung napakunahan na ang mga alagang aso ng dalawang beses sa loob ng isang taon.
Bukod dito may mga gumagala ring beterinaryo sa bawat barangay sa buong siyudad upang bakunahan ang mga asong wala pang anti-rabies.
Tatlong taon ang itatagal ng anti-rabies vaccine sa aso kaya hindi kailangang magpabakuna kada taon.
Mahigpit ding ipinapatupad ang dog impounding lalo na ang mga stray dog.
Bawat taon, nasa dalawang libo ang itinataas na bilang ng mga aso sa siyudad.
Noong 2015 nakapagtala ang City Veterinary Office ng kabuang 36 000 na bilang ng mga aso at ina-asahang tataas pa ito ito sa 38, 000 ngayong 2016.
Sa katapusan ng Pebrero, magsisimula nang mag-ikot sa mga barangay ang City Vet. upang magbakuna na tatagal hanggang sa buwan ng Hunyo.
Target ng Iloilo City Government ng makapagbakuna ng anti-rabbies ng tatlumpong libo alagang aso sa loob ng apat na buwan.
(Lalaine Moreno / UNTV Correspondent)
Tags: Iloilo City, mahigit dalawang taon, rabies
METRO MANILA – Nagdesisyon ang Inter-Agency Task Force for the Management of Emerging Infectious Diseases na isailalim na rin sa Modified Enhanced Community Quarantine (MGCQ) ang Iloilo City simula May 23-May 31, 2021.
Kasunod ito ng apela ng lokal na pamahalaan dahil sa COVID-19 surge sa lungsod.
Samantala, mananatili din hanggang sa katapusan ng Mayo ang ipinatutupad na MECQ sa mga probinsya ng Apayao, Benguet at Cagayan.
Unang isinailalim sa MECQ ang 3 probinsya noong May 10 hanggang May 23, ngunit pinalawig pa ito dahil sa patuloy na pagtaas ng bilang ng naitatalang kaso ng COVID-19.
Bukod sa mga ito, nasa ilalim din ng MECQ hanggang May 31 ang Santiago City-Isabela, Quirino, Ifugao at Zamboanga City.
Habang nasa General Community Quarantine with heightened restrictions naman ang National Capital Region, Rizal, Laguna, Cavite, at Bulacan.
As of May 23, 2021, pumalo na sa 1.17 Million ang total Covid-19 cases sa bansa, 1.1 Million na ang gumaling samantalang higit na sa 19,900 ang nasawi sa sakit.
(Rosalie Coz | UNTV News)
Tags: Iloilo City, MECQ
Ang Baluarte Elemtary School sa Iloilo City ang pinakamalaking voting area sa buong lungsod. Mayroon itong 49 clustered precincts para sa 9 na barangay ng Molo District, Iloilo City.
Alas 5 ng umaga ay bukas na sa publiko ang gate ng eskwelahan ngunit nagsimula lamang na dumami ang mga tao bandang alas 7 na ng umaga.
Sa kasalukuyan ay maayos pa rin ang sitwasyon dito sa Baluarte Elementary School.
May iba na medyo nahirapan sa paghahanap ng kanilang voting precinct dahil sa dami ng sakop ng voting area na ito.
Ang Iloilo City ay may 274,789 voters para sa barangay election, habang 87,003 naman ang naka rehistro upang bomoto SK election.
Meron itong 840 clustered precincts at 62 voting centers sa buong lungsod.
Apat na barangay naman ang nailagay sa election hotspots dito sa Iloilo City kabilang na ang Barangay Seminary Burgos at Dungon B ng Jaro District, Barangay Taal sa Molo District at Barangay Quezon naman sa Arevalo District.
Umaasa naman ang Commission on Elections Officer Attorney Reinier Layson ng Iloilo City na magiging mataas ang voting turn-out ng lungsod katulad din nung mga nakaraang eleksyon.
( Vincent Arboleda / UNTV Correspondent )
Tags: COMELEC, Iloilo City, voting turn out
Naabutan ng UNTV News and Rescue Team sa Iloilo City Police Station 3 na umiiyak at iniinda ang mga sugat sa katawan si Annie Rose Silva.
Ayon kay Silva, ang mga sugat ay bunga ng pagka kakaladkad ng riding-in-tandem criminals na nang agaw sa kaniyang bag sa may 24a Luna street, Jaro, Iloilo City pasado alas onse kagabi.
Hindi binitiwan ng biktima ang bag kaya siya nakaladkad. Agad nilapatan ng pangunang lunas ng UNTV Rescue ang tinamong sugat ni Silva sa balikat, siko, kamay at paa. Tumanggi na itong magpadala sa ospital.
Patuloy namang pinaghahanap ng mga pulis ang mga suspek na tumangay sa kaniyang bag.
Samantala, walang malay at nakahandusay sa kalsada ng datnan ng Untv News and Rescue Team ang motorcycle rider na si Mark Anthony Omena.
Bumangga ang sinasakyang motorsiklo ni Omena sa barrier ng Mindanao Avenue underpass kaninang mag-aalas dos ng madaling araw. Nagtamo si Omena ng galos sa ulo, hiwa sa kaliwang binti at pagdurogo ng ilong at bibig.
Ayon sa pulis, posibleng lasing ang rider dahil nangangamoy alak ito. Matapos lapatan ng first aid ay agad dinala ng grupo sa Pacific Global Medical Center ang rider.
Nirespondehan din ng UNTV News and Rescue Team ang aksidente sa Mindanao Avenue, corner Tandang Sora street kaninang pasado ala una ng madaling araw.
Ayon sa mga nakasaksi sa aksidente, bumangga sa concrete barrier ang sasakyang minamaneho ni Kevin Gonzales matapos siyang masagi ng isang kulay berde na dumptruck.
Iniinda ni Gonzales ang pananakit ng kaliwang braso. Laking pasasalamat naman ng biktima dahil bumukas ang air bag ng kanyang sasakyan.
Nilapatan ng paunang lunas ng UNTV News and Rescue ang biktima pero tumanggi na itong magpadala sa ospital.
Sinubukang habulin ng mga pulis ang dump truck subalit hindi na ito naabutan.
( Lalaine Moreno / UNTV Correspondent )
