Tuloy na tuloy na ang May 14 barangay and SK polls. Sa kauna-unahang pagkakataon, maipapatupad na rin ang SK Reform Act of 2015.
Nakapaloob sa SK Reform Law ang anti-political dynasty provision kung saan hindi pinahihintulutang kumandidato ang sinoman kung may kamag-anak siyang opisyal sa lugar kung saan niya balak tumakbo sa halalan. Mula ito sa posisyon ng gobernador hanggang sa barangay level.
Pasok sa second degree of consanguinity and affinity ang lolo o lola, apo, kapatid na lalaki o babae at in laws.
Ngunit aminado ang Commission on Elections na isang malaking hamon ang pagpapatupad sa naturang probisyon ng batas lalo na sa mga lalawigan.
Ayon kay Comelec Spokesperson James Jimenez, sa ngayon ay may natanggap na ding ulat ang poll body na pinipigilan ang ilang nais kumandidato dahil hindi kamag-anak ng kasalukuyang opisyal sa Lanao del Norte.
Kaya naman mahigpit na sasalain ng Comelec ang Certificate of Candidacy (COC) ng mga nais tumakbo sa halalan.
Sinomang nagsinungaling o naglagay ng hindi tamang impormasyon sa kanilang COC ay maaring madiskwalipika sa pagtakbo sa halalan.
Nagbabala rin ang Comelec sa mga naninigil ng bayad sa mga nagsusumite ng COC. Batay sa natanggap na ulat ng ahensya, 200 hanggang 5,000 piso ang sinisingil umano sa ilang Comelec field offices.
Pinapayuhan ng Comelec ang publiko na kaagad na i-report sa kanilang tanggapan sa numerong (02) 5270821 at (02) 5259296.
Maaari rin na isumite ang kanilang reklamo sa pamamagitan ng social media accounts ng poll body.
( Aiko Miguel / UNTV Correspondent )
Tags: Anti Political Dynasty, COMELEC, SK
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
