Ikinatuwa ni incoming PNP Chief Gen. Ronald Dela Rosa ang pagtaaas ng bilang ng mga drug personalities na nanu-neutralize sa mga police operation.



Ayon sa heneral, nangangahulugan lamang itong nagsimula nang magtrabaho ngayon ang mga pulis upang masawata ang illegal drug problem sa bansa.

Bunsod nito, nakiusap si Dela Rosa sa mga drug personality na sumuko at makipagtulungan sa PNP sa pamamagitan nang pagtuturo sa mga tauhan ng PNP na nakikinabang sa kanila.


Desidido din aniya sya na wakasan sa loob ng anim na buwan ang problema sa ilegal na droga at kriminalidad kaya naman personal niyang tututukan ang mga police operations.

(Lea Ylagan/UNTV Radio)

Tags: drug personalities, incoming PNP Chief Gen. Ronald Dela Rosa