Nakatakdang magtungo muli sa Cebu si President-elect Rodrigo Duterte upang dumalo sa thanksgiving celebration na inorganisa ng mga taga-suporta nito sa lalawigan.

Ayon kay Doris Mongaya, media coordinator ng Duterte Campaign Team Visayas, kinumpirma na ng incoming president ang pagdalo nito sa selebrasyon sa June 25 bilang pasasalamat sa pagtitiwala sa kanya ng mga Cebuano.

Noong nakalipas na eleksyon, nakakuha si Duterte ng mahigit sa isang milyong boto sa lalawigan ng Cebu.

Hinati sa dalawang bahagi ang thanksgiving event.

Samantala, magkakaroon ng legal-medical-dental activity sa Plaza Independencia mula alas nueve ng umaga hanggang alas dos ng hapon.

Mayroon ding libreng motorcycle tune-up at pampaering services tulad ng foot massage at hair cut.

Samantala alas kwatro naman ng hapon hanggang alas diyes ng gabi isasagawa ang thanksgiving party sa Plaza Sugbo sa south road properties na personal na dadaluhan ni incoming President Duterte.

Bukas sa publiko ang thanksgiving celebration na inaasahang dadaluhan ng libo-libong supporters ni President-Elect Rodrigo Duterte.

(Gladys Toabi / UNTV Correspondent)

Tags: Incoming Pres.-elect Rodrigo Duterte, June 25, thanksgiving party sa Cebu