Photo Courtesy of Philippine Army
Isa pang suspek sa Davao City bombing ang sumuko sa joint elements ng Philippine Army at Philippine National Police kaninang alas singko y medya ng madaling araw.
Kinilala ang suspek na Jerico Javier De Roma alyas Kokoy, miyembro ng Dawlah Islamiyah Fi Lanao Cotabato Chapter (Maute group), bente singko anyos at residente ng Mandanas Compound RH10, Cotabato City.
Ayon sa Philippine Army, si De Roma ay driver ng Maute group na nagsagawa ng pambobomba sa Davao City noong Sept.2 na ikinasawi ng labinglimang tao at pitumpung sugatan.
Ayons sa source ng Philippine Army, si De Roma ay sumuko dahil nakaramdam ito ng pressure sa mga security forces na malapit sa kanya.
Nasa kustodiya na ng CIDG-ARMM si alyas Kokoy.
(Bryan De Paz / UNTV Correspondent)
