Pizza ATM at Xavier University in Cincinnati (Photo credit: NBC)
Isang ATM na naglalabas ng pizza sa halip na pera ang naimbento ngayon sa Ohio.
Ayon sa kompanyang gumagawa ng pizza ATM, gumagana ang mga ito na katulad ng isang pangkaraniwang ATM.
Pipili ang customer kung anong pizza ang kanyang gustong bilhin mula sa isang touchscreen.
Pagkapili ay kukunin ng ATM ang napili mula sa 70 pizza na nasa loob nito at saka papainitin ng ilang minuto.
Kapag mainit na ang pizza ay ilalagay ito ng makina sa isang kahon at saka iluluwa.
Nasa $10 o katumbas ng higit sa P450 ang presyo ng isang pizza mula sa ATM.
