Tumagal ng halos isang oras bago nagdeklara ng fire out o fire under control ang Bureau of Fire Protection Naga City matapos masunog ang isang bahay at isang boarding house sa Bernardo’s Compound, Brgy. Sta. Cruz, Naga City alas dose ng tanghali kanina.

Ayon kay Firemarshall CInsp. Alberto De Baguio, nagsimula ang apoy sa Dalit residence na yari sa mga light materials subalit hindi pa nila alam kung anu ang pinagmula ng insidente.

Di nagtagal nadamay na rin ang three stories boarding house na pag-aari ng Pares residence.

Umabot pa sa 2nd alarm ang sunog.

Sa ngayon iniimbestigahan pa rin ng Bureau of Fire Protection Naga City ang sanhi ng sunog at halaga ng pinsala.

(Allan Manansala / UNTV Correspondent)

Tags: apoy, Isang bahay, isang boarding hous, Naga city