Magaalas dose ng hating gabi ng pagbabarilin ng hindi pa nakilalang suspek ang 42-anyos na lalaki na si Joey de La Cerna sa 3rd Avenue sa Caloocan City.
Ayon sa barangay official sa lugar, barangay tanod umano ito sa R. Papa sa Maynila.
Wala umanong nakasaksi sa pangyayari at nakakita sa mga suspek dahil nang marinig ng mga residente ang mga putok ng baril ay nagtakbuhan na ang mga ito at nagtago
Ayon sa inisyal na ulat ng mga pulis tatlong basyo ng kalibre .45 ang natagpuan sa lugar.
Dahil malalayo din ang agwat na kung saan natagpun ang mga basyo ng bala ay posibleng nakatakbo pa ang biktima habang binabaril.
Napasugod naman sa crime scene ang asawa at anak ng biktima na nagdadalamhati sa sinapit ng kanilang mahal sa buhay.
Tinitingnan naman ng mga otoridad kung may cctv na nakapagrecord ng pangyayari para matukoy ang pagkakakilanlan ng suspek.
(Reynante Ponte/UNTV RADIO)
Tags: barangay tanod
METRO MANILA – Muling pinaalala ng Department of the Interior and Local Government (DILG) na hindi pinapayagan ng batas na magdala ng baril ang mga barangay tanod at iba pang miyembro ng tinaguriang “Police Auxiliary Unit” (PAU).
Nakasaad sa Republic Act (RA) No. 10591 o The Comprehensive Firearms and Ammunition Regulation Act na ang authority ng mga police auxiliary unit na magdala ng baril ay binawi. Dating pinayagan ito ng Circular 2008-013 ng National Police Commission.
Samanatala, sa ilalim ng DILG Memorandum Circular (MC) No. 2003-42,maaaring gamitin ng mga barangay tanod ang nightstick with teargas with belt and holster, handcuff with holster, whistle, flashlight, raincoat, rain boots, small notebooks and ballpens, and first-aid kits.
Pumutok ang nasabing usapin dahil sa pamamaril ng isang barangay tanod sa isang curfew violator sa Tondo, Manila, Sabado ng gabi(August 6).
Pinaalalahan naman ni DILG Undersecretary and Spokesperson Jonathan E. Malaya ang lahat ng barangay tanod na manatiling kalmado sa pakikitungo sa mga curfew violator.
“While we want the public to abide by health protocols, hindi dapat pairalin ang init ng ulo at maging padalos-dalos sa pagpapatupad ng mga regulasyon. Ang lahat naman ay madadaan sa maayos na paalala at pakikipag-usap,” ani DILG Undersecretary Jonathan Malaya.
(Kyle Nowel Ballad | La Verdad Correspondent)
Tags: barangay tanod, DILG
Tondo, MANILA – Hinuli ng mga tauhan ng Manila Police District ang isang disi syete anyos na binata sa Kagandahan Street sa barangay 152, Tondo Maynila bandang alas sais kagabi.
Ito ay matapos isumbong ang suspek ng isang residente sa lugar na may dala-dala itong baril. Agad na nagsagawa ng anti-criminality operation ang Tayuman Police Community Precinct upang kumpirmahin ang sumbong.
Nang kapkapan ng mga otoridad ang suspek ay nakitaan ito ng isang kalibre kwarenta y singkong baril na may apat na bala. Nakuhanan rin ito ng labingpitong sachet ng hinihinalang shabu na tinatayang nagkakahalaga ng 40,000.
Sa pagsisisyasat ng mga pulis, napag-alamang pangunahing suspek din ang binatilyo sa pamamaril sa isang barangay tanod.
Nakunan pa ng CCTV ang pamamaril ng binatilyo sa Brgy. Tanod na si Jose Ramil Corres, 43 anyos habang nagtitinda ito sa tapat ng lakandula high school.
Makikita rin sa CCTV ang isa sa dalawang babaeng nadamay sa pamamaril na natamaan sa paa.
Ayon sa kapitan ng Barangay 163, gumanti umano ang suspek nang makatakas ito sa kanilang anti-criminality operation.
( Asher Cadapan Jr. / UNTV Correspondent )
Tags: barangay tanod, Maynila, shabu
Tatlumpu’t isang empty shell at limang slug ang nakuha sa crime scene na tumama sa puting Mitsubishi Adventure kung saan nakasakay ang sugatang si Jonalyn Ambaon. Kasama ni Jonalyn ang anim na nagmalasakit na dalhin siya sa ospital matapos mabaril nang hindi pa nakikilalang suspek sa Welfareville brgy. Addition Hills.
Subalit pagdating sa bahagi ng Old Wack Wack, Shaw Blvd., sinabi ni Mhury Jamon na bigla silang pinaputukan ng mga tanod hanggang sa dumating na ang mga pulis. Sa pitong sakay ng puting Adventure, patay si Jonalyn at isang Jomar Hayawon, sugatan ang 2 sa mga ito at ligtas naman ang tatlo.
Tumangi namang magbigay ng pahayag ang mga tanod ngunit ayon kay DILG OIC Catalino Cuy, hindi otorisadong magdala ng baril ang mga ito. Kaya naman sinabi ni NCRPO Chief PDir. Oscar Albayalde na kasama sa iimbestigahan nila ang mga barangay tanod sa pagdadala ng baril at pagbibigay sa mga pulis ng maling impormasyon.
Ang PNP Internal Affairs Service, agad na nagtungo sa Mandaluyong Police Station upang imbestigahan ang mga pulis na sangkot sa insidente.
Agad namang inalis sa pwesto ni Gen. Albayalde si Mandaluyong Chief of Police PSSupt. Moises Villaceran at 10 pang tauhan nito. Isinailalim din sa paraffin test at ballistic test ang service firearms ng mga ito.
Kinondena din ng alkalde ng Mandaluyong ang ginawa ng mga tanod at agad na sumulat sa barangay chairman.
( Lea Ylagan / UNTV Correspondent )
Tags: barangay tanod, Mandaluyong, NCRPO
