PHOTO CREDIT: Oddity Central

Kung ikaw ang nagda-diet o kaya naman at pinapahirapan ka ng sakit na diabetes, kailangan mo ang isang device na naimbento ng isang sikat ng electronic brand na kayang bilangin ang calorie counts ng iyong pagkain habang nasa plato mo pa lamang ito.

Karamihan sa ngayon, para malaman nila kung ilan ang calories ng kanilang kakainin, mayroon silang calorie and nutritional calculators na available sa smartphones, ngunit ito ay mga guide lamang. Pero ang device na pinangalanang  Calorieco na gawa ng Panasonic ay kakaiba, kaya nitong i-analyze ang pagkain sa plato at bigyan ka ng accurate information tungkol dito sa loob lamang ng ilang segundo.

Ang device na Calorieco ay hugis kahon na kung saan dito mo ipapasok ang plato na may lamang pagkain, at habang nasa loob nito ang pagkain, gagamit naman ito ng reflection technology upang ilabas sa monitor ang nutritional values ng pagkain kasama ang accurate calorie estimates sa loob lamang ng sampu hanggnag dalawampung segundo.

Kaya sa mga dieters at diabetes sufferers na nagnanais na magkaroon ng Calorieco, sa mga susunod pang taon ito inaasahang ilalabas sa mercado, ngunit ang presyo ng device na ito sa ngayon ay isa pang malaking misteryo.

Tags: calorieco