Nilooban ng dalawang hindi pa nakikilalang suspek ang bahay ng pamilya Mazloum sa Barangay Dagatan sa Lipa City,Batangas pasado alas otso kagabi.

Tinangay ng mga suspect na dumaan sa bintana ang mga mamahaling gamit ng pamilya tulad ng mga alahas at gadget pati na ang hindi pa matukoy na halaga ng pera at safety box.

Patay ang may-ari ng bahay na si Ginang Alexandra matapos barilin sa mukha ng mga suspek habang ligtas naman ang anak nito matapos umanong makatakas.

Nasa ibang bansa naman ang asawa ng biktima na isang Syrian national.

Sugatan naman ang guwardiya ng subdivision matapos ring paputukan ng mga papatakas na suspek.

Iniimbestigahan na ng mga otoridad ang insidente.

(Vincent Octavio / UNTV Correspondent)

Tags: Batangas, Isang ginang sa Lipa, patay matapos pagnakawan sa kanilang bahay