Photo credit: odditycentral.com

Isang lalake ang bumili ng tatlong Pokemon plush toys online para sa kanyang asawa na aniya ay isang big fan ng larong Pokemon Go.

Inasahan ng lalake na makakatanggap ito ng tatlong maliit na figures ng Pokemon na “Snorlax” kaya’t nagulat ito nang i-deliver sa kanilang bahay ang plush toys dahil bawa’t isa ay may taas na 1.5 meters.

Mas nagulat pa ang lalake nang labis na nagalit sa kanya ang kanyang asawa dahil sa sinakop na raw ng tatlong “Snorlax” ang espasyo sa kanilang sala.

Ang malala pa, nagbanta ang kanyang asawa na babalik ito sa bahay ng kanyang nanay kung hindi maaalis ang mga dambuhalang Snorlax.

Dahil dito, napilitan ang lalake na kinilala lang sa pangalang “Featherlit” na ibenta sa online marketplace na Carousell ang tatlong malalaking plush toys.

Sa kabutihang palad, may mga duminig naman sa pakiusap ng lalake at naibenta ang tatlong Snorlax.

Tags: Isang lalake sa Singapore, muntik nang iwan ng asawa, Pokemon plush toys