METRO MANILA – Kinumpirma ng researchers sa Brazil noong nakaraang Linggo na may nadiskubre silang 2 variant ng Covid-19 na taglay ng ilang pasyente doon.
Ang mga ito umano ang kauna- unahang kaso ng coinfection sa buong mundo
Nguni’t kailangan pa itong dumaan mas masusing pag- aaral o peer review ng mga eksperto
Ayon sa DOH, posible ang co- infection ng dalawang Covid-19 variants sa isang indibidwal
“Ang sabi nga ng ating mga eksperto, and isang virus might have this multiple variants na lumalabas doon sa kaniyang sequence genome, pero di lahat ay harmful, ang ina-identify lang at ipinagbibigay sa ating authorities would be those would merit public health action, iyon pong significant na makakapag-cause ng harm sa ating population…” ani DOH Spokesperson, Usec. Maria Rosario Vergeire.
Tiniyak naman ng DOH na kasama sa biosurveillance measures ng Pilipinas ang pagtuklas sa iba’t ibang variant ng Covid-19 .
Upang kung umiiral man ang mga ito sa Pilipinas ay mapigilan agad ang pagkalat nito.
“Hindi lang po UK variant ang hinahanap natin kasi nakikita dito sa whole genome sequencing process any type of variant that might be present in an individual’s genome “ ani DOH Spokesperson, Usec. Maria Rosario Vergeire.
Patuloy ang genome sequencing ng DOH sa mga sample na positibo sa Covid-19 mula sa mga ospital, mga probinsya at mula sa resulta ng mga inbound travellers sa Pilipinas .
Wala pa naman aniyang kaso ng 1 pasyente na nahawa ng 2 UK variant sa Pilipinas.
“Sa ngayon wala pa tayong nakikita at atin pong pinag-aaralan itong mga sinasabi na pwede ang more than 1 variant dito sa isang genome o sa isang tao na mangyari ito.” ani DOH Spokesperson, Usec. Maria Rosario Vergeire.
Nakapagsumite na rin ng P362 million budget proposal sa Department of Budget and Management (DBM) ang DOH upang pondohan ang genome sequencing sa Pilipinas para sa 1 taon.
Isinasagawa ang genome sequencing ng bansa sa Philippine Genome Center, University of the Philippines-National Institutes of Health at ng Research Institute for Tropical Medicine.
(Aiko Miguel| UNTV News)
Tags: Covid-19
METRO MANILA – Tiniyak ng Department of Health (DOH) na may pondo ang kagawaran para labanan ang bagong COVID-19 variants.
Taliwas ito sa ulat na wala umano itong nakalaang budget para makabili ng bakuna kung sakaling kailanganin sa bansa kaugnay ng bagong variants na KP.2 at KP.3 dahil may contingency fund ang ahensya.
Samantala, tiniyak naman ng DOH na hindi na mangyayari ang naranasan ng bansa nang manalasa ang COVID-19 pandemic noong 2020 hanggang 2022.
Hindi rin maituturing na mapanganib ang sitwasyon ng COVID-19 sa ngayon sa gitna ng bahagyang pagtaas ng kaso at banta ng bagong variants.
METRO MANILA – Nananatiling kumakalat at dahilan ng pagkamatay ng ilang indibidwal ang COVID-19.
Ayon sa World Health Organization (WHO), noong Disyembre ay nakapagtala ito ng mataas na bilang ng hawaan dahil sa mga pagtitipon noong holiday season, at sa JN.1 variant.
Sa panahong ito, aabot sa 10,000 ang bilang ng mga nasawi at tumaas din ang hospitalization at ICU admissions kumpara noong Nobyembre.
Tiniyak naman ng Department of Health (DOH) na patuloy silang magbabantay at nakaalerto sa banta ng COVID-19.
Ayon sa DOH, sa kasalukuyan ay mababa lamang ang mga kaso ng hawaan at namamatay sa bansa dahil sa virus.
METRO MANILA – Itinanggi ng Department of Health (DOH) ang kumakalat ngayon na pekeng impormasyon na nagsasabing mayroong panibagong COVID-19 wave sa Metro Manila.
Ayon kay Department of Health Asst. Secretary Albert Domingo, pababa na ang bilang ng mga nagpopositibo sa sakit batay sa datos ng ahensya.
Kahit umano sa mga ospital ay wala namang naoobserbahang labis na pagdami ng admissions.
Batay sa record ng DOH, mula December 26, 2023 hanggang January 1, 2024, mayroon lamang 3,147 new cases kung saan ang average number ng mga bagong kaso kada araw ay nasa 449, mababa ng 10% kung ikukumpara noong December 19 to 25, 2023.
At sa bilang na ito, 40 o katumbas lamang ng 1.28% ang nasa kritikal na kondisyon.
Nagbabala din ang kagawaran na magsasampa ng criminal charges sa sinomang sangkot sa pagpapakalat ng fake news kung magtutuluy-tuloy ito.
Ayon sa kagawaran, sa patuloy na pagbaba ng mga kaso, malaking bagay pa rin ang pagsunod at pagpili ng mga Pilipino sa “healthy behavior” gaya na lamang ng pagsusuot ng face mask kung kinakailangan at pananatili sa bahay kung may sakit.
