Isang set ng Dalian train, patatakbuhin na sa linya ng MRT-3

by Radyo La Verdad | October 15, 2019 (Tuesday) | 25266

METRO MANILA, Philippines – Bibiyahe na sa kauna-unahang pagkakataon ang unang Dalian train set sa linya ng MRT-3 ayon sa Department of Transportation.

Patatakbuhin ito sa normal na operasyon simula mamayang alas otso y medya hanggang alas diyes y medya ng gabi.

Ito’y matapos na payagan ng Sumitomo Corporation Mitsubishi Heavy Industries – TES Philippines ang deployment ng Dalian train. Subalit limitado pa lamang ang biyahe nito na tatagal hanggang sa nobyembre bilang bahagi ng initial trial run nito.

Ang isang Dalian train set ay binubuo ng tatlong bagon na kayang magsakay ng higit isang libong mga pasahero kada biyahe.

(Joan Nano)

Tags: , ,

Transport groups sa NCR, pipigilang mamasada ang mga myembrong driver na hindi bakunado

by Radyo La Verdad | January 14, 2022 (Friday) | 24958

Nakahanda ang mga transport group na sumunod sa bagong polisya ng Department of Transportation na nagbabawal sa mga kababayan na sumakay sa mga pampublikong transportation  sa Metro Manila kapag hindi pa fully vaccinated kontra Covid-19, kaya naman hindi na rin muna nila papayagan ang kanilang mga jeepney driver na mamasada kung hindi pa sila bakunado.

Ayon sa presidente ng pasang masda na si Obet Martin, mula sa mahigit 2000 operator at jeepney driver na kanilang miyembro, may ilang pa rin ang hindi pa nagpapabakuna laban sa Covid-19.

“May penalty yan eh hindi namin pinalalabas, bawal yun. Sapagka’t tayo’y nagiimplement, kailangan tayong implementor as driver ay kailangang tayo’y bakunado, ngayon kung hindi ka naman bakunado huwag kang lumabas”, ani Roberto “Ka Obet” Martin,

National President, Pasang Masda.

At para matiyak na fully vaccinated na ang mga driver, pinapayuhan sila na isabit na ang kanilang mga vaccination card para makita ng mga pasahero gayundin ang mga nakakasama nilang konduktor.

Maging ang Federation of Jeepney Operators and Drviers Association of the Philippines, hindi na muna papayagang mamasada ang driver na unvaccinated.

At dahil epektibo na sa Lunes ang no vaccination no ride policy ng DOTR, sa mga terminal pa lamang ay mahigpit nang iinspeksyunin ang vaccination card ng mga pasahero.

Pero exempted pa rin naman ang mga may medical conditions basta meron medical certificate gayundin ang iba pang kasama sa exemptions ng DOTR.

“Kami naman po handa namang sumunod kung ito po’y ikabubuti ng mga Pilipino lalong lalo na sa hanay ng transportasyon”, ayon kay Ricardo ‘Boy’ Rebaño, National President, FEJODAP.

Samantala para naman sa Pilipino Society and Development Advocates Commuter-consumer, nangangamba ang mga ito na magreresulta sa paglaganap ng mga colorum na sasakyan ang bagong patakaran ng DOTR.

Giit nila posibeleng pagmulan ng hawaan kung sa colorum sasakay ang ang commutter lalo’t hindi sila nare-regulate ng pamahalaan.

“Baka doon sa colorum magkaroon ng pagkalat o kaya outbreak itong disease sapagka’t hindi naman ho namomonitor ng pamahalaan yan, hindi rin sila nagsasagawa ng mga IATF health protocols so papaano ho nila masisigurado na ‘yung mga commuters natin na binibiktima nila araw-araw eh unvaccinated or vaccinated”, pahayag ni Richard Rivera,

National President, PASADA CC.

Sa opisyal na pahayag ng DOTR kahapon, (Jan. 13), muling iginiit nito na nais lamang ng pamahalaan na protektahan ang mas nakakararami, mapabakunado man o hindi.

Ayaw na rin ng DOTR na muling humantong sa tuluyang pagsasara ng public transportation sakaling magtuloy-tuloy pa ang pagdami ng Covid-19 cases sa Metro Manila.

JP Nuñez | UNTV News

Tags: , , ,

MRT hindi magpapatupad ng extended operating hours Ngayong Holiday Season

by Erika Endraca | October 23, 2019 (Wednesday) | 18306

METRO MANILA, Philippines – Hindi magpapatupad ng extended operating hours ang Department of Transportation (DOTr) sa biyahe ng MRT ngayong holiday season.

Ayon sa DOTr mas prayoridad nila sa ngayon ang gagawing pagpapalit ng mga bagong riles sa linya ng MRT na magsisimula sa susunod na buwan. Humingi naman ng paumanhin at pang-unawa sa mga pasahero ang MRT management.

“Ngayon ang hinihingi namin sa mananakay at sa publiko ay ang buong supporta at pagintindi habang patuloy ang malawakang rehabilitation ng MRT line upang maisakatuparan nating maibabalik yung kalidad ng MRT-3, pansamantalang sakripisyo lamang po para sa pang matagalang kaginhawahan” ani DOTr-MRT 3, Director Michael Capati.

Uumpisahan ang rail replacement sa November 4 na gagawin tuwing alas-11 ng gabi hanggang alas-4 ng madaling araw. Ito’y upang tiyakin na hindi ma-aapektuhan ang normal na biyahe ng mga tren. Sa oras na matapos ang pagpapalit ng mga bagong riles maiiwasan ang pagkakatagtag ng mga tren na siyang pangkaraniwang sanhi ng aberya.

Mas mapapabilis rin anila ang takbo ng mga tren, kung saan itatas ang speed limit nito sa 60 Kilometer Per Hour (KPH)  mula sa kasalukuyang 30KPH. Ang rail replacement ay bahagi lamang ng MRT-3 rehabilitation project na ina-asahang matatapos sa July 2021.

At dahil walang adjustment, mananatili ang dating operating hours ng MRT, kung saan ang unang biyahe ay 4:59 AM hanggang 9:10 PM para sa mga sumasakay sa north avenue station,habang 5:50 AM to 10:10 PM naman sa Taft Station. Samantala wala namang nakikitang problema ang ilang pasahero ng MRT kung hindi muna ipapatupad ang mas mahabang oras sa biyahe ng mga tren.

(Joan Nano | UNTV News)

Tags:

Pagpapalit sa riles ng MRT-3, magsisimula na sa Nobyembre

by Erika Endraca | October 21, 2019 (Monday) | 18306

METRO MANILA, Philippines – Naihanda na ng Sumitomo Mitsubishi Heavy Imdustries ang mga gamit at makinaryang kakailangan sa pagpapalit ng mga bagong riles sa linya ng MRT-3 na sisimulan sa susunod na buwan.

Sa mga larawang kuha ng MRT-management makikita ang mga equipment na gagamitin sa pagwe-welding at paglalatag ng mga bagong riles sa MRT-3.

Ayon sa pamunuan ng MRT, 10 piraso ng riles ang hihinangin at pagdudugtong-dugtungin hanggang sa mabuo ang 180-meters na haba ng riles sa magkabilang dulo ng istasyon.

Planong isagawa ang pagpapalit ng riles mula alas-12 ng hating gabi hanggang alas-4  ng madaling araw, dagdag pa dito ang 7 araw na shutdown sa long holiday sa Marso sa susunod na taon. Ito’y upang hindi makaapekto sa biyahe ng mga tren ang gagawing rail replacement.

Sa isang pahayag sinabi ng MRt management na malaking tulong ang rail replacement upang maiwasan na ang pagkakatatag ng mga tren na kadalasang dahilan ng aberya sa biyahe.

Sa oras na matapos ang proyekto, pabibilisin pa ang andar ng mrt sa 60 Kilometer Per Hour (KPH) mula sa kasalukyang 30KPH na takbo ng mga tren.

Inaasahang makatutulong rin ang rail replacement upang mapatakbo na sa linya ng MRT-3 ang kontroberysal na dalian trains na binili ng pamahalaan mula sa China. Nauna nang naging isyu ang compatibility ng dalian trains sa riles ng MRT-3, dahilan kung bakit hindi ito makabiyahe.

Noong nakaraang Huwebes bumiyahe na sa linya ng MRT ang isang set ng Dalian Train na ayon sa management ay naging maayos naman ang operasyon. Inaasahang matatapos ang rail replacement sa July 2021, na bahagi lamang ng MRT-3 rehabilitation project ng pamahalaan.

(Joan Nano | UNTV News)

Tags: ,

More News