Driving Barista app (Photo credit: cnet.com)

Mabibigyan ng libreng kape ang mga driver na hindi gagamit ng kanilang mobile phone habang sila ay nagmamaneho sa tulong ng inilabas na Japanese app na “Driving Barista”.

Ang naturang app ay nabuo sa pamamagitan ng collaboration ng Toyota, Komeda Company Limited at KDDI Corporation sa Japan.

Sa pamamagitan ng gyro sensor ng mobile phone ng driver, ipapa-alam sa app kung ginamit ng user ang kanyang phone habang nagmamaneho.

Kung umabot sa 100 kilometers na hindi ginagamit ng driver ang kanyang phone ay bibigyan siya ng coupon para sa isang libreng kape mula sa mga coffee shop ng Komeda.

Sa ngayon ay mapapakinabangan lamang ang libreng kape sa Aichi Prefecture sa Japan, nguni’t available ang app na ma-download sa IOS at Android sa mga curious kung paano ito gumagana.

Tags: hindi gagamit ng kanilang phone habang nagmamaneho, Japanese mobile app, magbibigay ng libreng kape