Binigyang diin ni Presidential Adviser for Entrepreneurship Joey Concepcion ang kahalagahan ng pagsunod sa mga panuntunan upang magtuloy-tuloy na ang pagbawi ng mga negosyante mula sa epekto ng Covid-19. Partikular na dito ang pagsusuri sa vaccination cards ng mga pinapapasok sa isang establisimento.
“There are some reports that vaccines card are not being check so we’ve called out to different groups that they have to very strict in ensuring that vaccine card are checked,” ani Sec. Joey Concepcion, Presidential Adviser for Entrepreneurship.
Base sa Inter Agency Task Force Guidelines, ang mga business establishments at ilang aktibidad ay maaaring magbukas hanggang 50 percent capacity sa indoor venue capacity sa fully vaccinated individuals. Habang hanggang 70% naman sa outdoor activity
“Now I’m calling the attention of some business establishments, restaurant, spas, salon to make sure that the privilege of having this level of greater capacity comes responsibility,” dagdag ni Sec. Joey Concepcion.
Humingi naman ng tulong ang ilang mall operators ukol sa polisiya ng pagsusuot ng face mask ng mga menor de edad.
“Siguro hihingi rin kami ng guidance with regard to toddler kasi alam naman natin mahirap silang magsuot ng facemask,” ayon kay Atty. Marvin Jason Bayang, Director of Gov. Relations, JG Summit Holdings Inc.
“And probably the government can help us stronger campaign that health protocols is everybody’s responsibility because it is easy to bash the malls and even security guards somebody post in social media that there are many children and they see children without mask parang it’s a security guard fault,” pahayag naman ni Bien Mateo, SVP for Operations, SM Supermalls.
Ayon naman sa Department of Health, ipinauubaya na nila sa local government units ang desisyon ukol dito.
“So yung mga ganito pong additional protocols under alert level 2 we’re providing the LGUs independence or autonomy na makapagdecide gusto ba nilang i-restrict further, merong certain settings na iaallow yung vulenerable populations,” ayon kay Dr. Alethea de Guzman
Director, Epidemiology Bureau – DOH.
Nel Maribojoc | UNTV News
Tags: Inter Agency Task Force, Sec. Joey Concepcion, Vaccination Card
Bagaman naitala na sa bansang Thailand at United Kingdom ang bagong Covid-19 Omicron XE variant na umano’y sampung beses na mas nakakahawawa kaysa sa mga naunang variants.
Para kay Presidential Adviser for Entrepreneurship at Go Negosyo founder Joey Concepcion, hindi kinakailangan na magpatupad ng mas mahigpit na travel restrictions ang Pilipinas sa mga bansang mayroon nang kaso nito.
“I don’t think there is a need for that. Tingin ko naman, if you’re fully vaccinated and boosted. You cannot prevent these variants from coming in, best we can do is prepare for it,” ani Sec. Joey Concepcion, Presidential Adviser for Entrepreneurship.
Ayon kay Concepcion marami na sa mga Pilipino ang nabakunahan laban sa Covid, kaya’t mayroon na tayo ng tinatawag na wall of immunity.
Sakaling mahawa man ang isang bakunado, sinabi ni Concepcion na mild cases na lamang ito at hindi na nangangailangan pa ng hospitalization.
“What we are watching for is baka mapuno ulit ang mga ospital natin. Pero kung mataas ang vaccination rate natin dito sa bansa especially iyong boosters then the wall of immunity will not break down,” dagdag ni Sec. Joey Concepcion.
Ayon naman sa Malakanyang sa ngayon ay patuloy pang binabantayan ng mga eksperto ang karakter ng bagong variant.
Muli rin siyang nagpaalala sa publiko na palagi pa rin sumunod sa mga health protocols, lalo na at maraming ang inaasahang magbabakasyon ngayong long holiday.
“Patuloy ang ginagawang pag-aaral sa XE bilang isang variant. Ang mahalaga ay sumunod sa minimum public health standards, mag-mask, hugas, iwas at mag-pabakuna,” pahayag ni Sec. Martin Andanar, Acting Presidential Spokesperson, PCOO.
Upang mas maprotektahan ang ating mga kababayan muling binigyang diin ni Concepcion ang kahalagahan ng pagpapabakuna ng booster dose.
Iminumungkahi nito pagsamahin na sa iisang vaccination card ang primary series at booster dose kung saan palalawakin ang depenisyon ng fully vaccinated.
Gayunman ipinauubaya na niya ang pinal na desisyon sa Department of Health.
Sa ngayon hinihintay pa ng Inter Agency Task Force ang matibay na rekomendasyon kaugnay sa posibleng paglalagay ng expiration date sa vaccination cards.
Sinabi ni Health Sec. Francisco Duque III na kasalukuyan nang pinag-aaralan ng National Immunization Technical Working Group at iba pang expert panels ang ideyang ito.
Samantala, nais rin ni Concepcion na magkaroon ng deadline sa pagpapabakuna ng booster dose upang hindi masayang ang halos 27 million Covid-19 vaccines na sinasabing mage-expire sa darating na Hulyo.
Aileen Cerrudo | UNTV News
Tags: Covid-19, OMICRON XE, Sec. Joey Concepcion
Iminumungkahi ni Presidential Adviser for Entrepreneurship at Go Negosyo founder Joey Concepcion na gawin nang requirement ang booster dose card sa mga business establishment sa National Capital Region.
Aniya, maiging masimulan ang requirement sa booster dose card pagsapit ng Marso o Abril.
Bunsod ito sa pagbaba ng efficacy ng primary series ng Covid-19 vaccines makalipas ang ilang buwan.
Kaya mahalaga rin aniya na mabakuhan ng booster dose upang patuloy na maproteksyunan ang mga mamamayan laban sa malalang impeksyon ng naturang sakit.
“In Manila, we should now enforce that this booster cards be shown. You have to bring your vaccination card and your booster card”, ani Sec. Joey Concepcion, Presidential Adviser for Entrepreneurship.
Ngunit para kay Infectious Disease Specialist Doctor Edsel Salvaña, hindi pa napapanahon ipatupad ito ng pamahalaan.
Paliwanag ng eksperto, dapat pa ring bigyang pyaroridad ng pamahalaan ang pagbabakuna ng primary series sa mas marami pa nating mga kabababayan.
Ito ay upang maproteksyunan ang malaking bahagi ng populasyon laban sa Covid-19.
“Malayo pa tayo doon sa mabo-boost natin ang lahat ng tao sa ngayon kasi marami pa rin ang hindi nabibigyan ng unang course nung vaccination, yung tinatawag natin na primary series. So, i think mahirap na gawin ‘yun kasi masyadong maraming tao ang hindi pa natin nabo-boost”, ayon kay Dr. Edsel Salvaña, Infectious Disease Specialist.
Maging si MMDA Chairman Benhur Abalos, hindi rin sang-ayon na gawin nang requirement sa mga establishment ang booster dose card.
Muling binigyang diin ng pamahalaan na dapat ay patuloy na sundin ang health protocols at pagpapabakuna upang makarating ang bansa sa endemic stage ng Covid-19.
Asher Cadapan | UNTV News
Tags: Benhur Abalos, COVID-19 VACCINATION, MMDA, Sec. Joey Concepcion, vaccination, Vaccination Card
METRO MANILA – Mas mahigpit na inspeksyon ang ipinatutupad ngayon ng Philippine National Police (PNP) laban sa mga gumagamit ng pekeng vaccination cards upang makalusot sa mga checkpoints.
Ayon kay PNP Chief PGen. Dionardo Carlos, sasampahan nila ng kasong kriminal ang sino mang mahuhulihan ng pekeng vaccination cards.
Ang mga makakasuhan ay maaaring makulong ng 1 hanggang 6 na buwan at multa na P20,000-50,000.
Ang paghihigpit ng PNP ay kasunod ng mga napaulat na paggamit ng fake vaccination card sa Cotabato City.
Sinabi pa ng hepe ng pambansang pulisya na inaasahan na nila ang gagawing pandaraya ng ilan upang makalabas ng bahay kasunod ng pagpapatupad ng pamahalaan ng “No vaccination, No entry policy sa mga establisyimento at no vaccination, no ride policy naman sa mga pampublikong sasakyan.
(Lea Ylagan | UNTV News)
Tags: PNP, Vaccination Card
