Nagpatawag ng press briefing si former President Fidel Ramos sa konsulado ng Pilipinas sa Hongkong sa unang araw ng pagbisita nito sa bansa.
Maliban sa pakikipag-usap kay Wu Shicun, ang kasalukuyang namamahala sa Think-Thank na National Institute for South China Sea studies na nakabase sa Hainan; hindi na nagbigay ng iba pang detalye si FVR.
Isa aniya sa layon ng kaniyang pagbisita ay muling maibalik ang kalayaan ng mga Pilipinong mangingisda sa Scarborough shoal na karagatang sakop ng exclusive economic zone ng Pilipinas.
“I have always been a very optimistic person. Always looking for the best results, for what we call in Bohol, ‘win, win’. Win for both sides. But, of course, that also depends on the attitude of the Chinese officials.” Pahayag ni Ramos
Si FVR ang itinalaga ng Pangulo bilang special envoy ng Pilipinas sa China kaugnay sa problema sa West Philippine Sea.
(UNTV RADIO)
Tags: FVR, Scarborough Shoal
METRO MANILA – Muling iginiit ni National Security Council (NSC) Adviser Eduardo Año ang karapatan ng Pilipinas na magpatrolya sa Scarborough Shoal o Bajo de Masinloc.
Ginawa ng NSC ang pahayag kasunod ng bagong akusasyon ng China hinggil sa umano’y iligal na pagpasok doon ng barko ng Pilipinas.
Ayon kay Año, pinalalala lamang at lalo pang naguudyok ng tensyon ang China laban sa Pilipinas.
Sa pahayag ng National Security Council, muling iginiit nito ang karapatan ng ating bansa na magpatrolya sa West Philippine Sea kabilang na ang Bajo De Masinloc, dahil bahagi ito ng ating Exclusive Economic Zone.
Muli namang pinagsabihan ng NSC ang China, na umakto ng tama, sundin ang nakasaad sa international law, at tigilan na ang anumang iligal na aksyon sa karagatang sakop ng Pilipinas.
Tags: NSC, PH, Scarborough Shoal, WPS
METRO MANILA – Itinanggi ni Armed Forces of the Philippines (AFP) Chief General Romeo Brawner Jr. kahapon (October 10) ang ulat ng China Coast Guard (CCG) na pinaalis nito ang isang barko ng Philippine Navy sa paligid ng Scarborough Shoal.
Ayon sa opisyal, propaganda at walang katotohanan ang mga sinabi ng China at kung mayroon mang barko ang Pilipinas doon, tiniyak nito na hindi ito mapaaalis.
Hindi aniya papayag ang AFP na ipaalis ang sariling barko sa Exclusive Economic Zone (EEZ) dahil obligasyon at karapatan ng bansa na tiyakin na makapangingisda ang ating mga mangingisda sa ating EEZ.
Dagdag pa nito, wala ngayong barko ng Philippine Navy sa Scarborough Shoal at lumabas sa isinagawang beripikasyon ng AFP bilang tugon sa ulat ng CCG mula umaga nitong Martes (October 10) na negatibo ang naturang alegasyon.
Nauna rito, sinabi ng China’s Coast Guard kahapon (October 10) na kanilang tinutukan ang isang Philippine Navy Vessel matapos nitong pasukin ang mga karagatan sa paligid ng Scarborough Shoal sa South China Sea.
Ginawa anila ang ‘kinakailangang hakbang’ tulad ng pilitin ang barko na umalis at kontrolin ang ruta nito matapos diumano’y hindi sundin ang paulit-ulit na babala mula sa panig ng China.
Tags: CCG, PH Navy, Scarborough Shoal
Sinamantala ni Pangulong Rodrigo Duterte na ipaabot ng personal kay Chinese Ambassador to the Philippines Zhao Jianhua ang suliranin ng mga mangingisdang Pilipino sa Scarborough o Panatag Shoal.
Ayon sa Chinese official, binuksan ni Pangulong Duterte sa kaniya ang usapin sa suliranin ng mga mangingisda sa Scarborough Shoal.
Bagaman kinumpirma ng Chinese official na umiiral ang barter system o ang pagpapalitan ng produkto at serbisyo na hindi gumagamit ng salapi o pera sa Scarborough, ‘di naman pinahihintulutan ang pamumuwersa o sapilitang pagkuha ng mga huling isda.
Kinumpirma din ng Chinese foreign ministry ang ginagawa nilang imbestigasyon laban sa mga Chinese coast guard.
Oras na mapatunayan ang alegasyon, handa ang mga otoridad ng China na parusahan ang mga nagkamali nilang mga tauhan.
( Rosalie Coz / UNTV Correspondent )
