Patay ang dalawang miyembro ng Maute group sa pagpapatuloy ng operasyon ng tropa ng pamahalaan laban sa mga natitirang terorista sa Marawi City.

Isa sa mga ito ay ang tinaguriang kanang kamay ng Abu Sayaff leader ni Isnilon Hapilon na si Abbutalha.

Pasado alas otso noong Miyerkules ng gabi ng magkaroon ng bakbakan sa loob ng main battle area na nagresulta sa pagkasawi ng mga ito. Sugatan naman ang dalawang sundalo na nakipagbarilan sa mga Maute  terrorist.

Sa pamamagitan ng pagkapaslang ng kanang kamay ni Hapilon, malabo na aniyang makapanggulo pa ang mga teroristang grupo sa mga karatig lugar ng Marawi City.

Tiniyak naman ng AFP na walang dapat ikabahala  ang mga residenteng patuloy na nagsisibalik sa kanilang mga tahanan mula pa noong Linggo.

( Weng Fernandez / UNTV Correspondent )

Tags: AFP, engkwentro, Isnilon Hapilon