Karagdagang evacuation center sa Davao City, binuksan na

by Radyo La Verdad | February 11, 2022 (Friday) | 662

Binuksan na ng Davao City Government ang isang evacuation center sa 2nd district sa Purok 9, Mahayag, Bunawan District na magsisilbing pansamantalang tirahan ng mga residenteng matatamaan ng anomang kalamidad.

Sa isang panayam kay Minda Silvano, Center-In-Charge, ang naturang pasilidad ay may sariling kitchen area, wash area, toilets, storage room, clinic, lying-in room at child-friendly room.

Kaya rin nitong humawak ng aabot sa 300 tao.

Ang naturang center ay nagkakahalaga ng P25 Milyon.

Ayon kay CDRRMO head Alfredo Baloran, ito ang pangalawang evacuation center sa rehiyon, ang naunang evacuation center ay nasa Los Amigos.

Dagdag pa ni Baloran, may patuloy na negosasyon para sa mga available na lugar sa Mandug para sa isa pang lugar ng Regional Evacuation Center.

(Peter John Salvdor | La Verdad Correspondent)