Ang ideya ng Asia Pacific Economic Cooperation o APEC ay pinasimulan ni dating Prime Minister of Australia Bob Hawke sa Seoul, Korea noong January 31, 1989.
Matapos ang sampung buwan, labindalawang Asia-Pacific Economies ang nagpulong sa Canberra, Australia upang buoin ang APEC.
Ang founding members ng APEC ay ang Australia, Brunei Darussalam, Canada, Indonesia, Japan, The Republic of Korea o kasalukuyan nang Republic of South Korea, Malaysia, New Zealand, The Republic of the Philippines, Singapore at the United States of America.
1991 naging kasapi ng APEC ang People’s Republic of China, Hong Kong at Chinese Taipei o Taiwan, na sinundan naman ng Mexico at Papua New Guinea noong 1993, at Chile noong 1994.
Ang Peru, Russia at Vietnam ang pinakahuling naging miyembro ng organisasyon noong 1998.
Itinatag ang APEC upang mabigyang-daan ang higit na pagpapabuti ng ekonomiya ng mga kasapi nito nangangahulugan ito ng pagpapabilis ng kaunlarang pang-ekonomiya, pagsusulong ng kooperasyon ng mga miyembro, trade liberalization at paglikha ng mga oportunidad na makapamuhunan sa Asia Pacific Region.
Sa pagitan ng taong 1989 at 1992, nagsagawa ng informal ministerial-level dialogues ang member economies.
Sa kauna-unahang pagkakataon noong 1993, nagpulong ang APEC Economic Leaders sa Blake Island, Washington at dito inilatag ang APEC vision na “stability, security and prosperity for our people.”
Dito pormal na iminungkahi ni dating US President Bill Clinton ang pagkakaroon ng taunang APEC Economic Leaders’ Meeting upang makabuo ng malawakang stratehiya, magkaroon ng direksyon at kooperasyon sa rehiyon.
Noong 1994, binalangkas ang bogor goals sa pulong ng mga kasapi ng APEC sa Indonesia.
Dito itinakda ang hangaring malaya at bukas na kalakalan at pamumuhunan sa Asia-Pacific Region
Taong 1995 nang i-adopt ng APEC ang isang istratehikong roadmap – ang osaka action agenda – sa Osaka, Japan.
Naghahain ang osaka action agenda ng isang balangkas upang makamit ang bogor goals
Binuo rin ang isang framework na tinawag na “three pillars” , na gabay sa pagkamit ng pangunahing mithiin ng APEC.
Ang tatlong haligi ay ang: (1) trade and investment liberalization, (2) business facilitation and sectoral activities, at (3) economic and technical cooperation.
1996 nag-host ng APEC Meetings sa kauna-unahang pagkatataon ang Pilipinas, sa ilalim ng administrasyon ni President Fidel Ramos
Isinagawa ang APEC World Leaders’ meeting sa Subic Bay, Zambales, mula November 24 hanggang 25.
Ilan sa world leader na dumalo ay sina US President Bill Clinton, Chinese President Jiang Zemin, Australian Prime Minister John Howard, Brunei Sultan Hassanal Bolkiah at Malaysian Prime Minister Mahathir Mohamad.
Naging crucial milestone sa ebolusyon ng APEC ang Subic Summit noong 1996
Sa taong iyon, inadopt ng APEC ang Manila Action Plan for APEC o MAPA na ang naging basehan ay ang pinakaunang individual action plans at collective action plans ng member economies sa pagkamit ng free trade and investment goals.
Naging pangunahing layunin ng subic summit na maaprubahan at maipatupad ang iaps at caps.
Maliban sa usaping pangkalakalan at pamumuhunan, pinagtutuunan rin ng pansin ng APEC ang mga napapanahong prayoridad ng rehiyon, katulad ng paglaban sa terorismo, emergency preparedness, seguridad pantao, climate change, kaunlarang makakalikasan at pandaigdigang krisis pinansyal. (Bianca Dava/UNTV News)
Tags: Asia Pacific Economic Cooperation, dating US President Bill Clinton
1997, idinaos ang ika-siyam na Asia-Pacific Economic Cooperation o APEC sa Vancouver Canada.
Ito ang tinaguriang APEC of year of action kung saan inilatag ang mga kinakailangan pang aksyon sa pag-abot ng bukas at malayang kalakalan at pamumuhunan sa Asya Pasipiko.
Dito napagkasunduan ng mga APEC Leader na taunang i-update ang kani-kanilang actions plans tungo sa pagkakaroon ng free and open trade and investment gayundin ang aksyon ng bawat bansa upang makamit ang mga layuning ito.
Isang mahalagang insiyatibo, ang pagpili ng mga sektor na kabilang sa Voluntary Sectoral Liberalization o EVSL, ang pinagtibay sa panahong ito.
Ang EVSL ay naglalayong mas mabilis na maisakatuparan ang malaya at mas madaling proseso ng trade at investment sa rehiyon na partikular na ipatutupad sa ilang mahahalagang sektor.
1998 nang mapagkasunduan na isama ang siyam na sektor sa EVSL
At ito ay isinumite naman sa World Trade Organization upang pagkasunduan ng non-apec members.
Malaki ang makukuhang pakinabang ng Pilipinas sa paghohost natin sa Asia Pacific Economic Cooperation o APEC meetings sa Nobyembre.
Ayon sa Department of Trade and Industry, isa sa may malaking pakinabang dito ay ang Micro Small and Medium Sized Enterprises o MSME.
Sa mga naunang idinaos na pulong ng mga delegado sa bansa bago ang APEC Summit, nagkasundo ang 21 member economies na bigyan ng suporta ang mga MSME.
Ayon sa DTI, dati ay hindi nabibigyan ng pansin ang mga msme pagdating sa paggawa ng mga polisya at pagkakasundo ng mga bansa na may kaugnayan sa exportation.
Ang Boracay action plan na nabuo sa mga ginanap na miting ng APEC member countries sa Pilipinas ang nakikitang paraan upang mapagtuunang pansin ang interest ng MSME lalo na pagdating sa pandaigdigang bentahan.
Ang isa pang nakikitang benepisyong makukuha ng bansa sa paghohost ng APEC ay ang pagkakaroon ng mas maraming investments.
Ngayon palang marami nang mga malalaking kumpanya ang naglalagay ng puhunan sa bansa ayon sa DTI.
At dahil nga sa magandang relasyon ng bansa sa ibat ibang APEC member countries dahil sa paghohost nito ng APEC 2015, inaasahan na mas madami pang malalaking kumpanya ang magtatayo ng negosyo sa Pilipinas na kalaunay magdadala ng mas maraming trabaho. (Darlene Basingan/UNTV Correspondent)
Tags: APEC 2015, Asia Pacific Economic Cooperation, Nobyembre, Pilipinas
Muling nag-inspeksyon kaninang umaga sa Ninoy Aquino International Airport Terminal 1 si Department of Transportation and Communications Secretary Joseph Emilio Abaya.
Ito ay upang siguruhing handa na ang ating paliparan para sa pagdating ng mga delegado ng Asia Pacific Economic Cooperation sa Nobyembre.
Pasado alas nueve ng umaga nang umpisahan ni Secretary Abaya ang pag-iikot sa buong paliparan.
Ayon sa kalihim, kapansin-pansin na kung ikukumpara ang kasalukuyang airport sa dating istura nito ay mas maliwanag, mas malinis at mas transparent na ngayon.
At bilang paghahanda sa pagdating ng mga delegado nakahanda na ang plano ng naia para sa pag-aasikaso sa mahigit sa dalawampung APEC Leader na bibisita dito sa bansa.
Matapos ang inspeksiyon, tiniyak ng DOTC na handa na ang NAIA Terminal 1 para sa inaasahang pagdating ng mga delegado.
Nilinaw naman ng ahensya na ang ginagawang rehabilitasyon sa Terminal 1 ay para mabigyan ng mas maayos na serbisyo ang ating mga kababayan at hindi lamang ang mga delegado ng APEC.
Taong 2013 ng bansagang world’s worst aiport ang Ninoy Aquino International Airpot ng isang blog na may pamagat na “The guide to sleeping in airports”. (Joan Nano / UNTV News)
Tags: Asia Pacific Economic Cooperation, DOTC Secretary Joseph Emilio Abaya