Kinumpirma ng Nueva Ecija Provincial Government na umabot sa nasa forty two thousand three hundred na mga layer chicken ang pinatay ng Provincial Veterinary Office noong nakaraang linggo sa isang ektaryang poultry farm sa barangay Concepcion sa Cabiao, Nueva Ecija.
Ayon kay Provincial Administrator Atty. Alejandro Abesamis, November 12 ng may namonitor ang Provincial Veterinary Office na high mortality rate sa mga layers na manok sa nasabing poultry farm.
November 13, kaagad silang kumuha ng specimen mula sa mga namatay na manok at kaagad pinadala ito sa central office ng Bureau of Animal Industry sa Quezon City.
Ayon pa kay Atty. Abesamis, batay sa bagong protocol ng Department of Agriculture na kanilang sinusunod, inilibing din ito sa loob ng poultry compound kung saan nila ito pinatay upang hindi na kumalat pa ang sakit. Dahil din aniya sa tulong ng mga LGU at kooperasyon ng mga poultry owner kaya agad nila itong naaksyunan.
Sang-ayon naman ang nasa apat na libong mga residente na naninirahan dito sa ginawang hakbang ng Provincial Veterinary Office upang huwag ng kumalat pa ang sakit.
Tiniyak din ng provincial government ang kanilang kahandaan sa pamamagitan ng pagpapatupad ng mahigpit na monitoring sa lahat ng mga poultry farm sa buong probinsya upang huwag ng maulit pa ang nangyaring insidente ng sakit sa dalawang bayan ng Jaen at San Isidro noong nakalipas na mga buwan.
( Danny Munar / UNTV Correspondent )
Tags: bird flu virus, manok, Nueva Ecija
Pinangunahan ng Department of Agriculture (DA) at ilang ahensya ng pamahalaan ang pagbubukas ng dalawang bagong processing plant at pagkakaloob ng ilang processing equipment sa Cabanatuan City, Nueva Ecija kahapon. Ito ay bahagi ng programa ng DA sa ilalim ng high value crop development program.
Magsisilbi itong processing plant ng Golden Beans and Grains Producers Cooperative para sa paggawa ng iba’t-ibang produkto mula sa soybeans gaya ng soya milk, soya coffee at iba pang produktong mula sa soybeans.
Ayon sa DA, malaki ang demand ng soybeans sa bansa kayat mahalaga na mapalawak pa ang pagtatanim at mapataas ang produksyon nito upang matugunan ang pangangailangan ng mga consumers sa soybeans.
Batay sa datos ng DA, lima hanggang anim na porsyento lamang ng soybeans ang naitatanim ng mga magsasaka sa Pilipinas.
95% ang inaangat na soybeans sa ibang bansa o 7,000 metric tons kabilang ang na ang mga soya ingredients na inihahalo sa pagkain ng mga livestock, malinaw na kulang pa para sa ating pangangailangan.
Hinihikayat din ng Golden Beans and Grains Producers Cooperative ang kanilang kapwa magsasaka na taniman ng soya beans ang kanilang sakahan na hindi masyadong inaabot ng irigasyon upang mapakinabangan ang kanilang lupa.
Batay sa datos ng kooperatiba, mula 2013 ay labing pitong ektarya ang kanilang natataniman ng soybeans. Tumaas ito sa limampung ektarya ngayong taon dahil sa mataas ang demand.
Target ng kooperatiba na makapagtanim pa ng soybeans sa dalawang daang ektaryang lupa ngayong dry season sa susunod na taon.
Tutulungan din ng DA at kooperatiba ang mga magsasaka sa Rehiyon I ngayong dry season na i-convert ang kanilang sakahan mula sa tanim na tabako ay magiging soybeans na lamang.
( Danny Munar / UNTV Correspondent )
Tags: DA, Nueva Ecija, soybeans
Alas tres ng madaling araw kanina nang magsimulang maramdaman ang banayad na pag-ulan na may kasamang hangin sa Nueva Ecija.
Sinuspinde na rin ng provincial government ang pasok sa lahat ng antas ng paaralan sa buong lalawigan.
Bagaman wala pang naitatalang nagsilikas na residente mula sa low lying areas, tiniyak ng Provincial Disaster Risk Reduction and Management Office (PDRRMO) na nakahanda na ang lahat ng kanilang mga tauhan at heavy equipment.
Nakahanda na rin ang isang libong food packs na ipamamahagi sa mga mangangailangang residente.
Samantala, nasa dalawang daang mga katutubong ang stranded at kasalukuyang nasa pangangalaga ng PDRRMO dahil hinihintay nila ang sasakyang pauwi ng bundok ng Sierra Madre.
Ang mga ito ay dumalo kahapon sa isinagawang araw ng mga katutubo.
Sa ngayon ay patuloy ang monitoring ng PDRRMO sa mga lugar na madalas ang landslide at pagbaha sa lalawigan.
Nananatili pa ring normal ang level ng mga pangunahing ilog sa buong lalawigan.
( Danny Munar / UNTV Correspondent )
Tags: Bagyong Rosita, Nueva Ecija, PDRRMO
Kabilang sa itinuturing na low lying area ang isang ektaryang sakahan ng palay ni Mang Nardo Francisco sa Nueva Ecija.
Katapusan ng Hulyo aniya nang kanyang taniman ng inbreed rice seed ang kanyang lupa at sa kalagitnaan pa ng Nobyembre sana niya itong aanihin.
Subalit nang mabalitaan na may parating na malakas na bagyo ay dali-dali na niya itong ipina-ani kahit wala pa sa panahon.
Ayon kay Mang Alfred, dahil kulang pa sa araw, 70% na lang nito ang kanilang maibebenta.
( Danny Munar / UNTV Correspondent )
Tags: Bagyong Rosita, magsasaka, Nueva Ecija
